Прибыль как целевая функция фирмы

 

• ӘДЕБИЕТТЕР ТІЗІМІ

1. Абдульманов А. «Кел, қазақша сөйлесейік». – Орал, 2005 ж.

2. Ахтамбердиев З.Т. «Қазақ тілі»учебник для самостоятельного и аудиторного изучения казахского языка. 1995 ж.
3. Бектұров Ш. «Казахский язык для начинающих». – Алматы: «Білім», 1994 ж.
4. Бектұрова А.Ш., Ш.К.Бектұрова «Казахский для всех». – Алматы: «Атамұра», 2004 ж.
5. Жоғарғы сынып және студенттерге арналған әмбебап анықтамалық. Қазақ тілі: Алматы, 1999 ж.
6. Күзекова З.С. Қазақ тілі (практикалық курс). Алматы: «Раритет», 2003 ж.
7. Мұса А.О., Төленов І.М., Әбіш Ж.Ш., Құдайбергенов Е.Қ. Қазақ тілі. – Алматы: Экономика, 2001 ж.
8. Сабыр М., «Қазақ тілі». Алматы, 2002 ж.
9. Сариев К. «Қазақ тілі». Алматы: «Білім», 2001 ж.

 

• СОӨЖ ТАПСЫРМАЛАРЫ

1. «Қазақстандағы кредиттік технология» тақырыбы бойынша сұхбат құрастыру.

2. Білім туралы мақал-мәтелдерді жаттау.

 

• СӨЖ ТАПСЫРМАЛАРЫ

1. Білім туралы ақын-жазушыларының ой-пікірлерін жазу.

2. «Қимыл есімі» грамматикалық тақырыбын меңгеру.

 

15 АПТА

1 КРЕДИТ САҒАТ

№2 ПРАКТИКАЛЫҚ САБАҚ

Лексикалық тақырып: «БОЛАШАҚ» БАҒДАРЛАМАСЫ

Грамматикалық тақырып: ЕТІСТІКТІҢ ТҮРЛЕРІ. ЕСІМШЕ

 

• МӘТІНМЕН ТАНЫСАЙЫҚ!

1-тапсырма. Мәтінді оқып, аударыңыз.

«БОЛАШАҚ» БАҒДАРЛАМАСЫ

1993 жылы Қазақстан Республикасының  Президенті Н.Ә.Назарбаевтың 1993 жылғы  5 қарашадағы № 1394 Жарлығымен  «Болашақ» халықаралық стипендиясы  құрылған болатын. 

Бағдарламаның пайда болуы уақыт талабына сай келді. 1994 жылдан бастап 2004 жылды қоса алғанда, «Болашақ» бағдарламасы шеңберінде 700 стипендиат әлемнің 13 елінде білім алды.

Бағдарламаның көптеген түлектері  мемлекеттік қызметте, мемлекеттік  және халықаралық ұйымдарда, әртүрлі  мемлекеттік және халықаралық жобаларда жұмыс істеп, мемлекеттің дамуына өз үлестерін қосуда.

«Болашақ» бағдарламасын іске асырудың бастапқы кезеңінде (1994-1997 жылдар) 30 пайыздан астам стипендиат үлгерімдерінің төмен  болуы салдарынан бағдарламадан  шығып қалған немесе оқуын аяқтағаннан кейін Қазақстанға оралмаған. 1997 жылы Қазақстан Республикасы Президентінің 1997 жылғы 3 наурыздағы № 3375 Жарлығымен бекітілген Қазақстан Республикасы Президентінің «Болашақ» стипендиясын тағайындау тәртібі туралы ереже әзірленген. 1994-1997 жылдары «Болашақ» стипендиясы негізінен қазақстандық жоғары оқу орындарының экономикалық және гуманитарлық факультеттерінің түлектеріне тағайындалған. 1994-2004 жылдары «Болашақ» халықаралық стипендиясының іске асырылуы кезеңінде Қазақстан Республикасы Білім және ғылым министрлігі стипендия тағайындауға үміткерлерді іріктеу әдістемесінде тәжірибе жинақтаған. Осы жылдары Үміткерлерді іріктеу ережесі екі рет 1997 жылы және 2000 жылы өзгертілген. Енгізілген әрбір жаңашылдық алдыңғы жылдарда жинақталған тәжірибеге негізделген және қазақстандық қоғамда болып жатқан әлеуметтік-экономикалық өзгерістерді есепке алып, бағдарлама алдына жаңа міндеттер қойған.

2005 жылы Мемлекет басшысы өзінің  Қазақстан халқына жыл сайынғы  жолдауында жас және талантты  үш мың қазақстандыққа «Болашақ» халықаралық стипендиясы бойынша әлемнің жетекші оқу орындарында оқу мүмкіндігін ұсыну қажеттігі туралы жариялаған болатын.

2008 жылдан бастап ғылыми және  педагог қызметкерлерге ғылыми  тағылымдамадан өту мүмкіндігі  ұсынылған, сондай-ақ ауыл жастары,  мемлекеттік қызметшілер, ғылыми және педагог қызметкерлер үшін квоталар енгізілген.

Стипендиаттар санын арттыру қажеттігі  уақыт талабы. Қазақстан қалыптасқан  нарықтық экономика жағдайында білім  және ғылым, менеджмент, маркетинг, логистика, жаңа ақпараттық технологиялар және т.б. саласындағы бәсекеге қабілетті мамандарды дайындау жолын таңдап алған.

МӘТІНМЕН ЖҰМЫС:

1. Мәтінді екі рөлде екі адам кезекпен әңгімелеңіз.
2. Мәтінді әңгімелеу үшін жоспар жасаңыз.
3. Мәтінді жоспар бойынша өз сөзіңізбен әңгімелеңіз.
4. Мәтін бойына 5 сұраулы сөйлем құраңыз.
5. Мәтіннен таныс емес сөздерді сөздік дәптерге жазыңыз.
6. Мәтінді сұхбатқа айналдырыңыз.

 

2-тапсырма. «Болашақ»  бағдарламасы» сөз тіркесімен  тіркесетін сөздерді тауып жазыңыз. 

Үлгі:  «Болашақ» бағдарламасы шеңберінде, «Болашақ» бағдарламасының көптеген түлектері, «Болашақ» бағдарламасын іске асыру, ...

...

• ДАНАЛАР СӨЗІ

3-тапсырма. Оқыңыз, түсініңіз. Даналар сөзін жаттаңыз.

«Имарат салғанда адамның тұруына ыңғайлылығын әдемілікке ұштастыра білген сәулетші – мақтауға татитын сәулетші».

Д.Бернини

«Зергер ісімен танылады».

Лафонтен

«Жақсы хирургта қыранның көзі, арыстанның жүрегі, әйелдің  қолы болуы қажет».

Рей

«Білім –  қазына қоймасы, оның кілті – практика».

Томас Филлер

 

• ӨЛЕҢ

3-тапсырма. Оқыңыз, түсініңіз. М.Әуезовтың өлеңін жаттаңыз.

Біліп айтқан сөзге құн  жетпейді,

Тауып айтқан сөзге шын  жетпейді.

Өзің білмесең, білгендерден үйрен,

Үйренгеннен ештеңең  кетпейді.

Мұхтар Әуезов

 

• ГРАММАТИКАМЕН ТАНЫСАЙЫҚ!

ЕСІМШЕ

Етістіктің ерекше бір түрі –  есімше. Оның ерекшелігі – екі жақтылығында, яғни әрі есімдер, әрі етістік қызметінде жұмсалады. Есімше есімдерше көптеледі, септеледі, тәуелденеді. Мысалы: «Ақыл – тозбайтын тон, таусылмайтын кен» (сын есім мағынасында жұмсалып тұр); «Білмегенің білгендеріңнен үйрен» (заттық мағынада жұмсалып тұр); «Көп біріксе ел болар, көп тілегі көл болар» (етістік мағынасында жұмсалып тұр).

Есімшенің жұрнақтары:

1. -ған/-ген, -қан/-кен   Мысалы: барған адам, көгерген шөп,
2. -атын/-етін, -йтын/-йтін   Мысалы: баратын кісі,
3. -мақ/-мек, -бақ/-бек, -пақ/-пек Мысалы: айтпақ болды
4. -ар, -ер, -р, -с   Мысалы: барар жол, клер адам

 

4-тапсырма. Мәтіннен  есімшелерді тауып, есім мағынасындағы, етістік мағынасындағы есімшелерді екі бөлек теріп жазыңыз.

Үлгі:  құрылған болатын, қоса алғанда, шығып қалған, ...

5-тапсырма. М.Әуезовтың  өлеңінен есімшені тауып талдаңыз.

 

• ГЛОССАРИЙ
• бастапқы – начальный
• бәсекеге қабілетті маман – конкурентоспособный специалист
• бекіту – утвердить
• ереже – правило
• Жарлық – Постановление
• жетекші – ведущий
• құрылу – создать
• нарықтық – рыночная
• тағайындау – назначить
• таңдау – выбрать
• түлек – выпускник
• үлгерім – успеваемость
• үміткер – кандидат
• шеңбер – сфера, область
• ірікеу – выбрать
• іске асыру – осуществлять

 

 

• ӘДЕБИЕТТЕР ТІЗІМІ

1. Абдульманов А. «Кел, қазақша сөйлесейік». – Орал, 2005 ж.

2. Ахтамбердиев З.Т. «Қазақ тілі»учебник для самостоятельного и аудиторного изучения казахского языка. 1995 ж.
3. Бектұров Ш. «Казахский язык для начинающих». – Алматы: «Білім», 1994 ж.
4. Бектұрова А.Ш., Ш.К.Бектұрова «Казахский для всех». – Алматы: «Атамұра», 2004 ж.
5. Жоғарғы сынып және студенттерге арналған әмбебап анықтамалық. Қазақ тілі: – Алматы, 1999 ж.
6. Күзекова З.С. Қазақ тілі (практикалық курс). – Алматы: «Раритет», 2003 ж.
7. Мұса А.О., Төленов І.М., Әбіш Ж.Ш., Құдайбергенов Е.Қ. Қазақ тілі. – Алматы: Экономика, 2001 ж.

 

• СОӨЖ ТАПСЫРМАЛАРЫ

1. Президенттің «Болашақ» бағдарламасының тарихы туралы реферат жазу.

2. М.Әуезовтың өлеңін жаттау.

 

• СӨЖ ТАПСЫРМАЛАРЫ

1. Президенттің «Болашақ» бағдарламасы туралы эссе жазу.

2. «Есімше» грамматикалық тақырыбын меңгеру.

 

15 АПТА

1 КРЕДИТ САҒАТ

№3 ПРАКТИКАЛЫҚ САБАҚ

Лексикалық тақырып: ҚАЗАҚСТАННЫҢ БІЛІМ БЕРУ ЖҮЙЕСІНДЕГІ РЕФОРМАЛАР

Грамматикалық тақырып: ЕТІСТІКТІҢ ТҮРЛЕРІ. КӨСЕМШЕ

 

• МӘТІНМЕН ТАНЫСАЙЫҚ!

1-тапсырма. Мәтінді  оқып, аударыңыз.

ҚАЗАҚСТАНДЫҚ БІЛІМ  ЖҮЙЕСІНДЕГІ РЕФОРМАЛАР

Білім берудің мазмұнын жаңарту мен мамандар дайындаудың сапасын арттыру – заман талабы. «Қазақстан Республикасының 2015 жылға дейінгі білім беруді дамыту тұжырымдамасында» көрсетілгендей, қазақстандық білім жүйесін дамыту оның әлемдік білім кеңістігіне кезең-кезеңімен енуіне жеткіліксіз болып келген бұрынғы білім беру әдіснамасының құрылымы мен мазмұнын өзгертуді, жетілдіруді қажет етеді.

Жоғары және жоғары оқу  орнынан кейінгі білім беруді саласындағы басты жаңалықтар мыналар:

1. үш сатылы жоғары білікті мамандар даярлауға көшу (бакалавр-магистр-доктор РһD);
2. жоғары білім мамандықтарын ірілендіру;
3. оқытудың кредиттік жүйесін енгізу.

Бұрын мамандар бір бағытта даярланса, қазіргі уақытта олар жоғары оқу  орындарында мамандықтың негізін  меңгеріп, одан кейін экономика мен  өндірістің алуан түрлі салалары бойынша қажет білімді өз бетінше ізденіп, жеңіл меңгеруге икемді болып даярланады. Жоғары білікті мамандар бакалавриат-магистратура-доктарантура РһD үш сатылы модель бойынша дайындалатын болады. Бірінші саты – бакалавр дәрежесін алу, оқу мерзімі – 4жыл. Екінші саты – магистр дәрежесін алу (бакалавриаттан кейін 1-2 жыл). Үшінші саты – РһD докторлық дәрежесін алу, оқу мерзімі – 3 жыл. Жоғары білім бакалаврлық бағдарлама арқылы жүзеге асырылады. Бакалавриатты бітірушілер ғылыми және кәсіптік деңгейі магистратурада жетілдіре алады.

 РһD бағдарламасы бойынша даярлау – әлемнің жетекші университеттеріндегі дипломнан кейінгі даярлаудың танымал және ең тиімді жүйесі. РһD бағдарламасы жоғары оқу орнынан кейінгі білімнің сапасын арттыруға және ғылыми-педагогтардың методикалық, ғылыми-әдістемелік жоғары деңгейін қамтамасыз ету мақсатында енгізілмекші. РһD бағдарламалары оқу мен зерттеудің арасындағы тиімді байланысты қамтамасыз етеді. Бұл докторлық бағдарлама шеңберінде ғылыми зерттеу жүргізумен қатар, міндетті оқу пәндерін меңгеруді білдіреді. Еліміздің оқытушылары мен ғылыми қызметкерлерінің академиялық бағыттылығына жағдай жасап, сондай-ақ, Қазақстанға шетел мамандарын шақыруға кең жол ашып, Қазақстан Республикасының жоғары оқу орындарының халықаралық аккредитация алуына жағдай жасалады.

 РһD докторлық дәрежесін бекіту жүйесі орталықтандырылмайды, яғни «философия докторы» дәрежесін докторлық бағдарламаға сәйкес аккредитацияланған жоғары оқу орындары беретін болады. Жоғары оқу орнынан кейінгі кәсіптік білім біртіндеп екі ғылыми атақ – «ғылым магистрі» және «философия докторы» дәрежесін беруді көздейді. «Философия докторы» дәрежесі бар, өзін ғылыми зерттеу жұмысына немесе оқытушы қызметіне арналған азаматтар ала алады. Жоғары оқу орнынан кейінгі кәсіптік білімнің жоғары сатысы – докторлық бағдарлама курсын меңгеріп, «философия докторы»(РһD) ғылыми дәрежесін алу.

МӘТІНМЕН ЖҰМЫС:

1. Мәтін оқып, әр сөзді дұрыс айтыңыз.
2. Мәтінді аударыңыз, мазмұнын түсініңіз.
3. Жаңа сөздерді сөздікпен аударыңыз.
4. Қарамен терген сөздер мен сөз тіркестерінің мағынасына ерекше назар аударып, есте сақтаңыз.
5. Мәтіннің әр бөлігін әңгімелеңіз.
6. Мәтінді толық әңгімелеңіз.
7. Мәтінді пікірлесімге айналдырып, бір-біріңізбен сөйлесіңіз.

 

• ГРАММАТИКАМЕН ТАНЫСАЙЫҚ!

КӨСЕМШЕ

Көсемше – етістіктің негізгі бір түрі. Көсемшенің жұрнақтары:

1. -а, -е, -й. Мысалы: жаза, келе, айта, тыңдай, сөйлей.
2. -ып, -іп, -п. Мысалы: жазып, келіп, айтып, тыңдап, сөйлеп.
3. -ғалы, гелі, -қалы, -келі. Мысалы: жазғалы, келгелі, айтқалы, тыңдағалы, сөйлегелі.

Көсемшеге көптік, тәуелдік, септік жалғаулары қосылмайды.

Көсемшелер жеке-дара сөз есебінде қолданылмайды.