Прибыль как целевая функция фирмы

МӘТІНМЕН ЖҰМЫС:

1. Мәтін оқып, әр сөзді дұрыс айтыңыз.
2. Мәтінді аударыңыз, мазмұнын түсініңіз.
3. Жаңа сөздерді сөздікпен аударыңыз.
4. Қарамен терген сөйлемдердің мағынасына ерекше назар аударып, дәптеріңізге жазыңыз.
5. Мәтіннің әр бөлігін әңгімелеңіз.
6. Мәтінді толық әңгімелеңіз.
7. Мәтінді пікірлесімге айналдырып, бір-біріңізбен сөйлесіңіз.

 

• ДАНАЛАР СӨЗІ

2-тапсырма. Оқыңыз, түсініңіз. Даналар сөзін жаттаңыз.

«Мұғалімдік мамандық –  бұл адам тану, адамның күрделі  және қызықты, шым-шытырығы мол рухани жан дүниесіне үңіле білу. Педагогикалық  шеберлік пен педагогикалық өнер – ол даналықты жүректен ұға білу болып табылады».

В.А.Сухомлинский 

«Мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады».

К.Д.Ушинский 

«Егер мұғалім өз бойына іс пен шәкірттеріне деген сүйіспеншілікті біріктірген  болса, ол – кемел ұстаз».

К.Д.Ушинский

«Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрселермен оздым ғой демектің бәрі де ақмақшылық ...».

Абай Құнанбаев

«Адамның басшысы –  ақыл, шолушысы – ой, жетекшісі –  талап, қорғаушысы – сабыр, сынаушысы  – халық, таусылмайтыны – арман, ең қымбаттысы – ар сақтау, бәрінен ардақтысы – өмір сүру, соның ішінде ең тәттісі – сыйластық».

Төле би

 

• ГРАММАТИКАМЕН ТАНЫСАЙЫҚ!

СЫН ЕСІМ

Сын есім заттың сынын білдіріп, ҚАНДАЙ? ҚАЙ? ҚАЙСЫ? деген сұрақтарға жауап береді. Сын есім қатыстық, сапалық болып бөлінеді. Сапалық сын есім түбір сын есімнен жасалады. Мысалы: жаңа көпір. Қатыстық сын есім басқа сөз табынан жасалады. Мысалы: ұлттық саясат.

 

3-тапсырма. Берілген сөйлемдердегі сын есімдерді тауып, қатыстық және сапалық түрлеріне ажыратып жазыңыз.

Ассамблея – шын мәнісінде мемлекет пен халық, әсіресе әртүрлі ұлт  адамдары арасындағы алтын көпір  болып табылады. Біздің еліміз онда тұратын халықтардың өзінің көкейтесті армандары мен тілектерін толық дамыту үшін осындай мүмкіндіктерге ие болатындығын ешқашан білген емес. Менің ойымша, мемлекет пен халық арасындағы өзара қарым-қатынаста сол алтын арқау табылған сияқты. Ол ортақ тіл табуға мүмкіндік береді және саяси ортада болып жатқан заманалық үрдістерді жете түсінуді қамтамасыз етеді.

 

4-тапсырма. Мәтіннен  барлық сын есімдерді тауып  жазыңыз. Ішінен қатыстық және  сапалық сын есімдерді анықтаңыз.

Үлгі:  әйгілі – қатыстық с.е.

ортағасырлық – қатыстық с.е.,   

 

• ГЛОССАРИЙ
• айқындау – выяснить, уточнить
• білдіру – обозначать
• білім ордасы – центр знаний
• біркелкі – однородный, одинаковый, единый
• бірлестік – объединение
• дами бастады – начала развиваться
• дәріс – лекция
• қамқорлық – защита, охрана
• қанат жаю – расправить крылья
• қарқынды – интенсивный, энергичный
• назар аудару – обратить внимание
• нақтылау – уточнять, конкретизировать
• нұсқа – оригинал, подлинник
• тығыз – тесно
• үрдіс – процесс
• ұласу – перерасти, найти продолжение

 

• ӘДЕБИЕТТЕР ТІЗІМІ

1. Ахтамбердиев З.Т. «Қазақ тілі» (учебник для самостоятельного и аудиторного изучения казахского языка). 1995 ж.

2. Бектұров Ш. «Казахский язык для начинающих». – Алматы: «Білім», 1994 ж.
3. Бектұрова А.Ш., Ш.К.Бектұрова «Казахский для всех». – Алматы: «Атамұра», 2004 ж.
4. Қазақ тілі. Жоғарғы сынып және студенттерге арналған әмбебап анықтамалық. – Алматы, 1999 ж.
5. Құрманбаева Ш.Қ., Болатов С.Қ. Қазақша үйренеміз. Ересектерге мемлекеттік тілді жеделдетіп оқыту құралы. – Өскемен: Алтай, 2007 ж.. – 116 б.

 

• СОӨЖ ТАПСЫРМАЛАРЫ

1. «Университет кітапханалары. Виртуалды кітапхана» тақырыбы бойынша сұхбат құрау.

2. Даналар сөзін жаттау.

• СӨЖ ТАПСЫРМАЛАРЫ

1. «Қазақстандағы алғашқы университеттер» тақырыбы бойынша реферат жазу.
2. Білім туралы мақал-мәтелдер жазу.

 

12 АПТА

1 КРЕДИТ САҒАТ

№2 ПРАКТИКАЛЫҚ САБАҚ

Лексикалық тақырып: БАТЫС ҚАЗАҚСТАН ГУМАНИТАРЛЫҚ УНИВЕРСИТЕТІ

Грамматикалық тақырып: СЫН ЕСІМ ШЫРАЙЛАРЫ

 

• МӘТІНМЕН ТАНЫСАЙЫҚ!

1-тапсырма. Мәтінді оқып, аударыңыз.

БАТЫС ҚАЗАҚСТАН  ИНЖЕНЕРЛІК-ГУМАНИТАРЛЫҚ УНИВЕРСИТЕТІ

БАТЫС ҚАЗАҚСТАН  ГУМАНИТАРЛЫҚ АКАДЕМИЯСЫ

Қазіргі кезде Қазақстан Республикасында  білім берудің ақылы жүйесі қызмет көрсетуде. Батыс Қазақстан гуманитарлық академиясы – заман талабына сай  өсіп жетіліп келе жатырған оқу орны. Батыс Қазақстан гуманитарлық академиясы жас та болса, қарқанды дамып келе жатқан жоғарғы оқу орны. Заман талабына сай материалдық-техникалық базасы бар, оқу орнында жоғарғы кәсіби деңгейдегі профессор-оқытушылар қауымы дәріс береді. Академия Орал қаласының орталығында жақсы жабдықталған 5 қабатты еңселі ғимаратта орналасқан. Сапалы да терең білім алу үшін академияда толық мультимедиялық мүмкіндіктері бар «PENTIUM» процессоры негізінде құрылған кабинеттер жүйесі, бай кітапхана қоры, лингофон және тағы басқа арнаулы кабинеттер бар. Мұның бәрі оқу-тәрбиелік және ғылыми зерттеу жұмыстарын ұйымдастыруға жағдай жасайды.

Академия Батыс Қазақстанның белді оқу орындарымен, сондай-ақ Ресей Федерациясының бірнеше оқу  орындары: Экономика, гуманитарлық ғылымдар, басқару және құқық Шығыс институты (Уфа қаласы); Самара мемлекеттік  университеті; Самара педагогика университеті; Самара экономикалық академиясымен тәжірибе алмасу іс-шараларын жүргізуде. Академия студенттерге төмендегідей жағдай жасайды:

• сапалы білім;
• мемлекеттік үлгідегі диплом;
• еңбек нарығында түлектердің бәсекеге қабілеттілігін қамтамасыз ету;
• өз шығармашылық қабілетін ашудың мүмкіндігі: студенттік турнирлер, слеттар және дебаттар, танымдық семинарлар, студенттік құрылыс отрядтары, спартакиадалар.
• білім алуға жеңілдік жасау және ақы төлеудің оңтайлы жүйесі;

БҚГА-ның студенттер белсенді және көңілді. Дәріс және семинар сабақтардың күрделілігіне қарамастан студенттер қоғамдық жұмыстарға белсене араласады: «Жасыл ел» республикалық акциясына, Қазақстан жастар Альянсы форумына қатысады. «Дәуір» жастар қоғамдық бірлестігінде, «Белсенді студенттер орталығында» жұмыс істеп, Қазақстан халықтары тілдерінің декадасын жүргізуге ат салысады.

Академия мынадай мамандықтар бойынша білім алуды ұсынады:

050203 тарих        

050117 қазақ тілі және  әдебиеті    

050101 мектепке дейінгі білім беру  және тәрбиелеу 

050102 педагогика және бастауыш  оқыту әдістемесі  

050103 педагогика және психология    

050503 психология      

050108 дене шынықтыру және спорт    

050119 шет тілі: екі шет тілі    

050509 қаржы       

050115 экономика және құқық негіздері

050111 информатика      

Оқу орнын бітірушілер білім беру жүйесінде, өнеркәсіптерде, әр саладағы кәсіпорындарда жемісті қызмет көрсетуде.

Батыс Қазақстан гуманитарлық академиясында  оқу-үмітіңіздің ақталғандығы, болашағыңыздың айқындығы, сеніміздің – кепілдігі.

МӘТІНМЕН ЖҰМЫС:

1. Мәтінді бөлімдерге бөліп, қарапайым жоспар құраңыз.
2. Мәтінді ауызша әңгімелеңіз.
3. Мәтіндегі жаңа сөздерді меңгеріңіз.
4. Пікірлесім құру үшін сұрақтар дайындаңыз
5. Мәтінді пікірлесімге айналдырыңыз.

 

• ДАНАЛАР СӨЗІ

2-тапсырма. Оқыңыз, түсініңіз. Даналар сөзін жаттаңыз.

«Білім мен  құдіреттілік – екеуі бір нәрсе».

Бэкон 

«Ұстазынан  асып түсуге талаптанбаған шәкірт – шәлдірік».

Леонардо да Винчи

«Мұрасыз ғалым  – миуасыз ағаш».

Сағди 

«Білім мақсат емес, құрал».

Л.Н.Толстой

 

• ГРАММАТИКАМЕН ТАНЫСАЙЫҚ!

Сын есімнің шырайлары:

Жай шырай түбір күйінде келеді. Мысалы: қызыл, ақ, үлкен. биік.

Салыстырмалы жай шырайға ­дау, ­деу, ­тау, ­теу, ­лау, ­леу, -ғылт, -гілт, -рақ, -рек, -ырақ, -ірек, -шыл, -шіл, -қай, -ғыш, -ілдір жұрнақтары жалғанған кезде заттардың сыны бір-бірімен салыстырыла көрсетіледі. Мысалы: қызғылт, көкшіл, ақтау.

Күшейтпелі шырай қос сөз түрінде келіп, екінші сыңардағы мағынасыз буын күшейіп тұрады. Мысалы: қып-қызыл., қап-қара

Асырмалы шырай: тым қызыл, ең биік.

 

• ГЛОССАРИЙ
• ақылы жүйе – платная система
• жеңілдік – скидка
• заман талабына сай – в соответствии с требованием времени
• күрделілік – сложность
• құдіреттілік –могущество
• миуасыз – безплодный, неплодоносный
• оңтайлы жүйе – удобная система
• түлек – выпускник
• шәлдірік – бестолковый, балбес
• шығармашылық қабілеттер – творческие способности

 

• ӘДЕБИЕТТЕР ТІЗІМІ

1. Ахтамбердиев З.Т. «Қазақ тілі» (учебник для самостоятельного и аудиторного изучения казахского языка). 1995 ж.

2. Бектұров Ш. «Казахский язык для начинающих». – Алматы: «Білім», 1994 ж.
3. Бектұрова А.Ш., Ш.К.Бектұрова «Казахский для всех». – Алматы: «Атамұра», 2004
4. Қазақ тілі. Жоғарғы сынып және студенттерге арналған әмбебап анықтамалық. – Алматы, 1999 ж.
5. Құрманбаева Ш.Қ., Болатов С.Қ. Қазақша үйренеміз. Ересектерге мемлекеттік тілді жеделдетіп оқыту құралы. – Өскемен: Алтай, 2007. – 116 б.

 

• СОӨЖ ТАПСЫРМАЛАРЫ

1. «Біздің академия» тақырыбы бойынша сұхбат құрастыру.

2. Даналар сөзін жаттау.

• СӨЖ ТАПСЫРМАЛАРЫ

1. «Менің ұстаздарым» тақырыбы бойынша шығарма жазу.
2. Жаңа сөздерді жаттау.

 

12 АПТА

1 КРЕДИТ САҒАТ

№3 ПРАКТИКАЛЫҚ САБАҚ

Лексикалық тақырып: УНИВЕРСИТЕТ СТУДЕНТІ

Грамматикалық тақырып: СЫН ЕСІМІҢ ЖАСАЛУЫ

 

• МӘТІНМЕН ТАНЫСАЙЫҚ!

1-тапсырма. Мәтінді оқып, аударыңыз.

СТУДЕНТ

Студент (латынша: studens – бір нәрсеге ұмтылушы, бір нәрсеге қызығушы) – жоғары оқу орынында оқитын адам.