Кәсіпкерлік қызметтің жекелеген түрлерін құқықтық ретеу

941. Мұнара немесе мачтамен жабдықталған ұңғымаларды жөндеу кезде таль арқанның жүріс тартпа ролигі арқылы өтеді, бұл кезінде арқан мұнара немесе мачта элементтеріне тимейді көпірлер мен жұмыс алаңдарымен қиылыспайды; тартпа ролик мұнара немесе мачтаның рамалық брусына, жеке фундаментке немесе арнайы құралдарға бекітіледі және металл қоршауы болады. Тартпа роликтерді бекіту үшін арқан ілмектерді қолдануға жол берілмейді.

942. Көпірлердегі түсіру-көтеру операциялары кезінде резбаны зақымданудан қорғау үшін арнайы лотоктар орнатылады.

943. Түсіру-көтеру операциялары алдында тежеуіш жүйесінің дұрыс жұмыс істеуі мен сенімді әрекеттері тексеріледі.

944. Көтергіш ілмектің стопорлы болты және штроптардың ілмектен шығып кетуін болдырмайтын дұрыс жұмыс істейтін қауіпсіз автоматты ысырмасы болады.

945. Трубаларды көпірлерге түсіру және көпірлерден көтеру баяу рұқсат етілген жылдамдықтан артпайтын жылдамдықта жүргізіледі. Шығыр тежеуішінде жұмыс істейтін жұмыскер тежеуіш тұтқа саптың қозғалысының желісінен одан соққы алмайтындай бір жақта тұрады.

946. Трубаларды көпірлерден ұңғымалар сағаларына тасымалдау кезінде қолдың зақымдануының алдын алу үшін оның төменгі ұштарын қолмен бағыттауға және ұстап тұруға жол берілмейді.

947. Тасымалданатын трубалар жолында немесе оған жақын тұруға жол берілмейді.

948. Шпилькалар элеваторлар тесіктеріне өте мұқият салынады.

949. Түсіру-көтеру операциялары процесі кезінде штроптар тесіктерден шығып кетпес үшін, олар штроптарға ілмекпен бекітіледі. Ал шпилька, спайдер, гидравликалық кілттерде олардың қалыптарының белгілеуі болады.

950. Техникалық талаптар мен технологиялық регламентпен бекітілген штроптар, ілмектер, блок шкифтері және басқалар пайда болған жасырын жарықтар мен басқа ақауларды анықтау үшін ультрадыбыс дефектоскоппен зерттеледі.

951. Қосымша қондырғылар – спайдер, гидравликалық кілт және басқалар жұмыс уақытында өз еркімен қосылудан фиксацияланады.

5-бөлімше. Ұңғымаларды жер асты жөндеу

952. Жер асты қондырғыларын көтергеннен кейін ұңғымалардың пайдалану колонналарын тұздар қалдықтарынан, смолалардан, асфальтендерден, парафиндерден, тот басу өнімдерінен тазартады және техникалық талаптарға сәйкес келетін диаметрдегі шаблондармен шаблондайды.

953. Қажет болғанда жасанды кенжар (жасанды кенжар қазады) тереңдігін өлшейді.

954. Қажет болғанда жасанды кенжар мұнайгаз кәсібінде қолданылатын тәсілдер арқылы тазартылады.

955. Мұнай газ пайда болу мүмкіндігі бар фонтанды ұңғымалардағы құмды тығындарды науалармен тазартуға жол берілмейді.

956. Қажет болғанда пайдалану колонналары бұрғылау аяқталған кездегі толтыру қысымына тең қысыммен ұңғымалар бітеу сұйықтарымен толтырылады.

957. Ұңғымаларға жер асты қондырғыларын (СКТ ұшыныдағы түткішелер, газ лифтілі қалқаншалар, муфталар, тереңдік сорғыштар және басқалар). Жер асты қондырғыларын түсіру тереңдігі мұнайгаз кәсібінде қолданылатын тәсілдерді пайдалана отырып өлшенеді. Өлшеулер нәтижелері ұңғымаларды ПРС пайдалану беру актісінде көрсетіледі.

958. Сағалық қондырғыларды демонтаждау мен монтаждау және ұңғымалар сағаларын байлау жүргізіледі.

959. Ұңғымаларды игеру жүргізіледі немесе ұңғымаларға түсірілген тереңдік сорғышы іске қосылады.

960. ПРС арналған ЖҰЖ көрсетілген ұңғымалардың технологиялық параметрлері белгіленеді.

961. Ұңғымалар дебиттері, өндірілетін мұнайдың сулануы, сағадағы қысым мен температура өлшенеді. Өлшеулер нәтижелері ұңғымаларды ПРС пайдалану беру актісінде көрсетіледі.

6-бөлімше. Ұңғымаларды жөндеу кезіндегі

қауіпсіздіктің негізгі талаптары

962. Ұңғымаларды жөндеу жөніндегі өндірістік операциялар өнеркәсіп қауіпсіздігі ережелері талаптары орындалған жағдайда орындалады. Жөндеу жұмыстары басталар алдында журналда тіркеле отырып, қауіпсіздік техникасы жөніндегі персонал нұсқамасы жүргізіледі.

963. Жұмыс аумағының газдануы пайда болу қауіптілігі кезінде және технологиялық ортаның жарылыс өрт қауіптілігі болғанда, ұғымаларды жөндеу жөніндегі жұмыстар қауіпсіздік жөніндегі шаралар көрсетіле отырып, наряд-рұқсат беру бойынша орындалады.

964. Жұмыс аумағында агрегаттар, қондырғылар, құралдар, құрылғылар мен жарықтандыру алаңдарын орналастыру жұмыстарды ұйымдастыру жоспарына, жер асты және жер үсті коммуникациялар орналасуын ескере отырып, белгіленген тәртіппен бекітілген сызбаға және технологиялық регламентке сәйкес іске асырылады.

965. Көтергіш агрегат, мұнара, мачта, рұқсат етілетін жел жүктемесі қауіпсіздік коэффициенті және дайындаушының техникалық құжаттарында көрсетілген мықтылық қоры ескеріле отырып, жөндеу процесінде күтілетін максималды жүктемелерге сәйкес келеді.

Ұңғымаларды жөндеуге арналған құрылғылар саға алдындағы алаңда орнатылады және дайындаушының пайдалану жөніндегі нұскамасына сәйкес ұңғымалар сағаларына қатысты орталықтанады. Құрылғыларды пайдалануға енгізу ұйымы комиссиясының актісімен рәсімделеді.

Жөндеу-оқшаулау жұмыстарын жүргізу кезінде газ, мұнай (ағын шақырғаннан кейін) қысымымен қабаттардың гидравликалық мүмкін жарылыстары интервалында, өткізгіштік өнімді емес қабаттар интервалында орама колонналарды перфорациялауға жол берілмейді.

Перфорация уақытында ұңғымалар сағалары маңында жұмыстарды ұйымдастыру жоспарында және сызбасында көрсетіле отырып, қауіпті аумақтар орнатылады және белгіленеді.

966. Топтық алаңда жөндеу жұмыстары басқа ұңғымалардың қауіпсіз пайдаланылуын қамтамасыз ететін қосымша шаралар орындалғаннан кейін, белгіленген тәртіппен бекітілген технологиялық регламентке сәйкес жүргізіледі.

Бірнеше ұңғымаларда бір уақытта жұмыс жүргізу және орындаушылардың өзара әрекеттері белгіленген тәртіппен бекітілген жұмыстарды ұйымдастыру жоспарымен реттеледі.

967. Қауіпті жағдай пайда болғанда, әрбір жұмыс өндіруші топтық алаңдағы барлық жұмыс істеушілерге хабарлайды. Жұмыстар қауіпті жағдай жойылғанға дейін тоқтатылады.

Пайдаланудағы ұңғымалар сағалары, трубақұбырлар, арматуралар қауіпті аумақтарда топтық алаңның басқа ұңғымаларын жөндеу кезінде мүмкін механикалық әсер етулерден қорғалады.

968. Қорғаныс экрандаушы құрылғылардың конструкциялары немесе қоршаулары аумақтардың газдану мүмкіндігін болдырмайды және ұңғымаларды басқару тораптарына еркін баруды қамтамасыз етеді.

Жөндеу жұмыстары аяқталғаннан кейін ұңғымаларды игеру тапсырыс беруші өкілінің қатысуымен жүргізіледі.

969. Ұңғымаларды игеру және жөндеу кезінде ұңғымалар сағасындағы мұнай, сұйықтардың төгіліп ағуының алдын алу жөніндегі шаралар қабылданады. Сифондары бар трубалар колонналарын көтеру қажеттілігі кезінде сағалардағы сұйық деңгейін қолдай отырып, ұңғымаларға тұрақты үстеме құю жүргізіледі.

7-бөлімше. Қорытынды жұмыстар

970. Жоспарлы жұмыстарға сәйкес келетін ұңғымалар жұмыстары параметрлерін өлшеу нәтижелерін алғаннан кейін жер қойнауын қорғау және пайдалану жөніндегі жергілікті мемлекеттік органмен келісілген тәртіппен технологиялық сұйықтардың қалдықтары жойылады, техникалық дұрыс жұмыс істемейтін СКТ, штангілер, қондырғылар ұңғымалар сағаларынан жөндеу базаларына шығарылады.

971. Ұңғымаларда орнатылған қондырғылар демонтаждалады, алынады (бітеу трубақұбырлары, ыдыстар, көпірлер, сөрелер, жұмыс алаңдары, көтергіш агрегаттар және басқалар) және кезектегі ұңғымаларға ПРС жүргізу үшін немесе жөндеу базасына профилактика жүргізу үшін ауыстырылады.

972. Ұңғымалар аумақтары мүмкін жөндеу қалдықтарынан тазартылады, қажет болғанда жоспарланады және алаңдар тегістеледі.

973. Ұңғымалар сағаларындағы жер үсті қондырғылар тазартылады және қажет болғанда мұнайгаз кәсібінде қолданылатын безендірілуге қарай боялады.

974. Барлық орындалған қорытынды жұмыстар ұңғымаларды ПРС пайдалану беру актісінде көрсетіледі.

8-бөлімше. Ұңғымалардың топтық орналасуы кезінде жер асты жөндеу ерекшеліктері

975. Топта орналасқан жер асты ұңғымаларды жөндеу:

1) сағалар орталары арақашықтығы 1,5 м және одан кем қашықтықтағы топта тереңдік-сорғыш ұңғымаларды жөндеу кезінде көршілес ұңғымалар тоқтатылады және қажет болғанда бітеледі;

2) көршілес ұңғымаларды тоқтатпай топта ұңғымаларды жөндеу ЖҰЖ қарастырылған шаралар мен техникалық құралдарды іске асыру жағдайында жол берілу талаптарында жүргізіледі.

976. Топтағы басқа ұңғымаларды бір уақытта бұрғылау, ПРС екі бригадасының бір уақытта жұмыс істеуі арқылы ПРС жүргізуге жол беріледі. Жұмыс өндіруші топтағы барлық жұмыс істеушілерге ұңғымалардағы пайда болған авария (мұнай газ су пайда болу, технологиялық регламенттен ауытқу және тағы басқалар) туралы хабарлайды. Бұл жағдайда топтағы жұмыстар авариялық жағдай пайда болу себептері жойылғанға дейін тоқтатылады.

977. Топта бір уақытта жұмыс істеу жөніндегі ЖҰЖ ұйым әзірлейді, ЖҰЖ ұйымның техникалық жетекшісі бекітеді.

978. Газ лифті топтарында ПРС кезінде жөндеу күтілетін ұңғымалардағы газды қысымдау жөндеу қондырғысын, жөндеу күтілетін ұңғымаларды сол және оң жағынан көршілес ұңғымаларға, орналастыру алдында жөндеу кезеңінде тоқтатылады.

979. Жөндеу қондырғыларын және қолданыстағы шлейфте, газ құбырларындағы арнайы техникаларды орналастыруға жол беріледі.

980. Ұңғымаларды жөндеуді мамандандырылған ұйымдар осы Талаптың және мұнай газ өндіру объектілеріндегі мұнай операцияларын жүргізуді реттейтін өнеркәсіп, өрт және экологиялық қауіпсіз еңбекті қорғау талаптарына сәйкес жүргізеді.

981. Жер асты жөндеудің қауіпті объектілерінде жұмыстарды орындау кезінде өнеркәсіп қауіпсіздігі талаптарын сақтай отырып, өндірістік бақылау қамтамасыз етіледі.

22-бөлім. Қоршаған ортаны қорғау

982. Мұнай және мұнай газ кен орындарын өнеркәсіпті барлау процессінде жобада көрсетілген мұнай, газ, конденсат және сумен бірге өндірілетін ілеспелі құнды компоненттерді жинау және пайдалану қамтамасыз етіледі.

МГК орналастыру және барлау жобасында мұнай газын қауіпсіз және тиімді пайдалану шарттары әзірленеді.

ШЖК артық болатын ауада күкіртсутегі бар газдарды жандырмай немесе нейтрализацияламай шығаруға жол берілмейді. Технологиялық аппараттар мен ыдыстардың жұмыс және резервтегі қорғаныс қалқаншаларынан газ шығару газ жинау және факельді жүйеге жүргізіледі.

983. Өнімдегі меркаптандар болуын анықтау жүргізіледі және санитарлық нормаларға сәйкес газды меркаптандардан тиімді тазарту қамтамасыз етіледі.

984. Жұмыс аумағына күкіртсутегі, меркаптандар және зиянды заттар бөлінуі мүмкін құрылғылар, ғимараттар және өнеркәсіп алаңдарында және санитарлық–қорғаныс аумағы шегінде ауа ортасының мониторингі жүргізіледі.

985. Мұнаймен бірге өндірілген қабат суы қатты өлшенген заттардағы және мұнай өнімдеріндегі болатын нормаларға сәйкес суда тазартылады, қабат қысымын ұстау жүйесінде пайдаланылады немесе сіңірілетін деңгейжиектерге айдалады.

Мұнай және суда күкіртсутегі пайда болуына әкелетін күкіртсутегі бактерияларын жұқтырудың алдын алу үшін, өнімді қабаттарға айдалатын суды антисептиктермен өңдеу іске асырылады.

986. Қабат суларын булану өрістеріне, жер бетіндегі су көздеріне жіберуге, жер асты суларының ластануына әкеліп соғатын жер асты деңгейжиектерге айдауға және күкіртсутегі бар, ШЖК жоғары сұйықтарды бейтараптаусыз кәріздер жүйесіне төгуге жол берілмейді.

Күкіртсутегі бар, ШЖК жоғары қабат сулары өңделеді және герметикалық ыдыстарда сақталады.

987. Объектілер аумақтарында мұнай қоқыс амбарларын орналастыруға жол берілмейді, қоқыс жинағыштардағы заттар қайта өңделеді және полигондарда жойылады.

988. МГК барлау объектілеріне арналған қоршаған ортаны қорғау негізгі шаралармен қамтамасыз етіледі:

1) жер бөлудің қауіпсіз қашықтығы мен нормативтерін сақтау;

2) жерді минималды бұза отырып, коммуникацияларды салу;

3) ластануларды, олардың пайда болғаннан кейін жою;

4) тот басудан қорғану құралдарын қолдану;

5) физикалық және радиографиялық әдістермен дәнеркелеу тігістерінің герметикалығы мен сапасын бақылау;

6) шығындалатын және қайтарылатын суды тіркеуді ұйымдастыру;

7) ауа, су және топырақ сынамасын алу;

8) санитарлық-қорғаныс аумақтарын орнату;

9) тазарту ғимараттарын салу;

10) жерді рекультивациялау және өндірістік аумақтарды көркейту.

989. Топырақты жел және су эрозиясынан қорғау үшін ұйым:

1) трубақұбырлар салғаннан кейін траншеяларды көму кезінде топырақты тығыздау және жоспарлауды;

2) аумақ алаңынан жер беті суларын ұйымдастырылған шығаруды;