"Тамғалы" қонақ үйі

   Номердің саласы, оның сәулеттік  – жобалауына, алаңына, санитарлы–  техникалық жабдықталуына, қондырғылар  мен жиhаздарына байланысты анықталады. Номерлердің әр түрлілігі, қонақ  үй құрылысының құнына да әсер  етеді. 

   Қазіргі таңда номерлердің  алаңы төмендегідей бөлінеді, - бір  бөлмелі, бір орындық номерлер:

8м2 – 1 немесе 2 жұлдызды қонақ  үйлер үшін.

10м2 – 3 жұлдызды қонақ үй  үшін.

12(16) м2 - 4 жұлдызды қонақ үй үшін.

14(18)м2 - 5 жұлдызды қонақ үй үшін.

16(25)м2 - 5 жұлдызды қонақ үй үшін.

-Бір бөлмелі екі орындық номерлер

- 12м2 - 2 жұлдызды қонақ үй үшін.

- 14м2 - 3 жұлдызды қонақ үй үшін .( «Тамғалы»  қонақ үйі)

- 14(20)м2 - 4 жұлдызды қонақ үй үшін.

Көп қонақ қабылдайтын номерлерде есептелген алаңнан бөлек, әр орынға 6м2 қосымша қосыла береді. Қонақ  үй құрылысымен жобалауды талдай келе, номерлердің енгізгі түрлерін айқындауға болады. Бір бөлмелі, бір  адамға арналған номерлер; бір бөлмелі  екі адамға арналған номерлер. Бір  бөлмелі «дубль» типті номерлер, яғни сұранысқа қарай номерлердің  сыйымтылығы оңай өзгертіледі;  бір- екі бөлмелі 3-4 адамға арналған номерлер; бір – екі бөлмелі 5 және оданда көп адамдарға арналған номерлер (жатақхана - номерлер); комфорт деңгейдегі 2-3 бөлмеден тұратын  номерлер. Әлемдік  тәжірибеде бір  бөлмелі 1-2 адамдық  номерлер кең тараған. Қонақ үй құрылысын  жобалауда, бір бөлмелік, бір адамдық  номерлер ғимараттың енсіздігіне қарай, немесе екі орындық номермен салыстырғанда  аз алаң алуына байланысты салынады. Бір, екі адамдық номерлердің пайыздық қатынасы қонақ үйдің мақсатына, оның ыңғайлылығына, және басқада факторларға  байланысты. Отандық қонақ үйлерде  бір орындық номерлер жалпы номерлік қордың 30-50% құрайды. Ал шетелдік іскерлік қонақ үйлерде бір адамдық номерлердің пайызы 60-80% жетеді.  Қонақ үйлерде жанұясымен  саяхаттайтындардың  көп  болуына байланысты, екі адамдық орындар өте көп. Олардың жалпы үлесі 75-100% құрайды.

«Тамғалы» қонақ үйіндегі жихаздардың қонақтарға арнайы ыңғайластырылған орналастырылу тәртібі. Тұрғын  бөлме-бір бөлмелік номердің тұрмыстық бөлмесі көп түрлі қызмет  атқарады.Ол бөлмеде ұйықтап, демалады, жұмыс істейді, күндіз отырып демалады, заттарды сақтайды, тамақтанады, қонақтарды күтеді. Сондықтан бөлмеде осыған қажетті барлық қондырғылармен жиһаздар орналастырылып, сыйып тұруы керек. Ол үшін сәулеттік – ғимараттық құрылысы дұрыс жобалануы керек. Бөлмені жиһаз, қондырғылармен жабдықтау үшін арнайы, қонақ үйге арналған жиһаздарды қолданады. Олар өте шағын, әрі төзімді, мықты. Бөлмеде жиһаздар құрамы: ұйқы жиһазы, жұмыс істеу үшін арнайы жиһаз, және жеке заттарды қоятын жиһаз. Бөлмеде жиһаздарды орнату тәсілі бар.  Негізінен жиһаздарды орнатқанда негізгі 3- зонаны бөліп қояды. Олар ұйқы зонасы және күндізгі демалыс зонасы. Қонақ үйдің мақсатына қарай осы зоналардың біреуіне ерекше маңыз беріледі. Мысалы іскер адамдарға арналған бөлмелерде жұмыс зонасына ерекше маңыз беріледі. Ал, курорттық қонақ үйлерде күндізгі демалыс зонасына маңыз бөлінеді.

  Номердің кіре беріс жері  шағын, бірақ сол жердің өзінде  бір шкаф еркін сияды. Екі және оданда көп бөлмелі номерлерде кіре беріс жерді бөлмелерден есік арқылы бөліп қояды. Ал бір бөлмелі номерде кіре беріс жер бөлмеден тек алаң арқылы бөлінеді. Шетелдік қонақ үйлердің номерлерінде кіре беріс жерде асханалық – шкаф та орналасады. Егер қонақ  немесе тұрғын қонақ үй асханасы әзірленген тағамды жегісі келмесе, өзі сол жерде ас мәзірлей алады. Асханалық – шкафтар негізінен ұзақ мерзімге берілетін номерлерде, апарт – отелдерде, отбасылық қонақ үйлерде, мотелдерде, курорттық қонақ үйлерде қойылады.

  Санузел. Жуынатын, тазалық  орны және әжетхана.

 Тазалық орны жобалау тәсіліне  қарай әр қилы болып келеді. Көбіне біріккен тазалық орындарын істейді. Яғни ваннна немесе душ, қол жуатын жер, унитаз және сүлгі кептіргіш, қол жуатынның қасында міндетті түрде айна, әжетханаға қажетті заттарға арналған таяқшалар, сүлгі ілгіш, электрлі қырынғышты қосатын штепельді розетка( тоқ көзі). Ваннасы бар номерлер душы бар номерлерге қарағанда ыңғайлырақ және қымбат болады. Екі және оданда көп бөлмелі номерлерде, бір орындық және екі орындық бір бөлмелі номерлерде тазалық орнының ішінде биде де орналасады. Тазалық орнына кіретін есік көбіне кіре беріс жерде болады. Бұл мәліметімнен  «Тамғалы» қонақ үйінің санузелі таза әрі қолайлы екенін білдіретінін ескеруге болады.

 

 

 

 

 

2.«Тамғалы» қонақ үйінің ұйымдастырушылық басқару құрылымы.

2.1.«Тамғалы» қонақ үйінің штаттық құрылымы.   

Қоғамдық  тамақтандыру директоры мейрамхананы басқарады. Оған жалғамсыз өндіріс меңгерушісі, аға аспазшы, метрдотель, банкеттік қызмет көрсету бойынша менеджер және аға официант бағынады.      

Қаржы директорына бас бухгалтер, шаруашылық қызмет менеджері, ЭВМ бақылаушысы, жұмыс ақы бөлімінің меңгерушісі  бағынады.    

Техникалық  директор инженерлік- эксплуатациялық  бөлімін басқарады. Әр түрлі кәсіпорында  әр қалай: бас инженер, эксплуатация бойынша директор, ғимараттың бас технигі.  Оның қол астында аға шебер, жиһаз жабдықтар, жылыту жүйесі, тоңазытқыш қондырғы, жөндеу бойынша шеберханалар меңгерушісі және тағы басқалар.   

Коммерциялық  қызметтерді атқару үшін қонақүйлерде түрлі лауазымдар ескерілген. Дағдыдағыдай, коммерциялық директорға конгресті қызмет көрсету менеджері, жарнама қызмет менеджері және тағы басқалар бағынады.  

Үлкен қонақ үй мен отельдердегі басқару  құрылысы осындай көрініс алады. Ал «Тамғалы»  қонақ үй-мейрамхана кешені орташа кәсіпорын болғандықтан, және штатында қызметшілердің саны көп еместігінен, басқару құрылымы мұнда әлдеқайда қарапайым .     

Демек, бөлім бастықтарының қызметтерін  бас директор, ал менеджерлердің міндеттемелерін  администраторлар атқарады. Әр администратор өз бөліміне жауапты, ол мейрамхана, қонақ үй, бильярд залы немесе сауна болсын. Ал бас директор бүкіл кешеннің қызметін бақылайды. Осыдан, “әмбебаптылық”,«Тамғалы» сияқты кешенде кадрлік саясаттағы қызметкерлерді іріктеу арнасында ең басты критерийлердің бірі екені шығады. Кешенде айтарлықтай адам жұмыс істейді. Штаттық құрылымы төмендегі кестеде  көрсетілген .   

 

 

 

 

 

 

 

«Тамғалы » қонақ үй-мейрамханалық кешенінің  штаттық құрылымы     

Кесте 1

Лауазым	Саны
Бас директор	1
Бас бухгалтер	1
Бухгалтер	1
Мейрамхана
Администратор	3
Бармен	6
Официант	30
Бригадир-аспазшы	3
Аспазшы	3
Аспазшы көмекшісі	3
Қасапшы	1
Қытай тағамдары аспазшысы	1
Кәуапшы	2
Ас  үй жұмысшысы	3
Ыдыс  аяқ жуушысы	3
Техникалық  қызметкерлер	9
Қонақ үй
Аға администратор	1
Администратор	3
Күтуші  әйел	6
Сауна
Администратор	3
Күтуші  әйел	6
От  жағушы	3
Бильярд залы
Администратор	1
Күзет
Күзет басшысы Күзетші	1
Басқалары
Аула  сыпырушы	1
Әуенші	2
Электрик	1
Сантехник	1
Киім ілуші	2
Жүргізуші	1
Қойма меңгерушісі	1

 

 

 2.2.Қонақ  үй қызметтерінің спецификасы

 

 

 

    Алдымен маркетинг физикалық сезілетін  тауарларды сатуға қатысты дамыды. Қазіргі кезде әлемнің әр түрлі  нүктелерінде қызметтер саласының  феноменальді кеңеюіне айқын тенденция байқалуда. Қызметтер индустриясының тез қарқынмен өсуі оның жұмыс істеу мен маркетинг саласындағы ғылыми ізденістердің өзектілігін едәуір көтерді.

 

   Қонақ үй сервисін дұрыс ұйымдастырып, дамыту үшін сервис мәдениетін дамыту керек. Бұл мәдениет қонақ қажеттіліктерін ептеп қанағаттандырудан тұрады. Ол басшылықтың жұмыс стилін сипаттап, компания қызметін жоғарыдан төменге қарай сіңдіруі керек. Айсадор Шарп Four Seasons компаниясының қонақ үйлерінде қызмет көрсету мәдениетін өзінің қызметшілерімен тікелей қатынасуымен және осы мәселедегі компанияның дәйекті саясатымен көтермелейді. Қызмет көрсетудің жоғары мәдениеті қызметшілерге қонақтардың мәселелерін шешуге мүмкіндік береді.

 

   Қонақ үй қызметтерінің маркетингі саласында  жұмыс істейтін адамдар, өз тауарының  төрт спецификалық белгілерін ұмытпауы керек: сезілмейтіндігі, қайнар құралу көзінен ажырамайтындығы, сапаның тұрақсыздығы және сақталмайтындығы.

 

   Сезілмейтіндігі.

 

   Материалды  тауарларға қарағанда қызметтерді, оларды тікелей көрсету сәтіне дейін, дәмін татып, ұстап көріп көруге және естуге болмайды. Қонақ үй өткізу бөлімінің қызметшілері сату барысында өз “тауарын” көрсету үшін қонақ үй бөлмесін өзімен бірге нарыққа апара алмайды. Шындығында олар бөлмені емес, тек онда белгілі уақытқа тоқтау құқығын сатады. Қонақ қонақ үйден кетіп бара жатқанда онда қонақ үйден төлеген есебі ғана қалады. Бірақ бұл бір жағынан дұрыс емес тұжырым. Роберт Люкс айтқандай да бір қызметті сатып алған адам қолында әкетіп бара жатқан ештеңесі болмаса да, есінде көп нәрсе қалады. Басқалармен бөлесетіндей есте қалғанды өзімен бірге әкетеді. Қонақ үй қызметтер саласындағы ежелгі сезілмейтінділік туғызатын белгісіздікті жою үшін, қонақтар сол қызметтердің кішкене болса да сапасын көрсететін сезілетін нәрселерді іздейді. Қонақ үйдің сыртқы келбеті – бұл оған жақындаған адамның ең бірінші көретіндігі. Қонақ үй жан-айналасы, жалпы көрінісі, оның қаншалықты жақсы екендігі жайлы жоруға мүмкіндік береді. Материалды емес қызметтердің сапасын алуан түрлі материалды фактілер көрсетеді. Гонконгтағы Regent Hotel басшылығы өздеріне келушілерін барлық қызметшілері, униформа киетіндердің де, кимейтіндердің де барлығы өз фирмаларының атағын қадірлейтіндігін сендіруге тырысады. Профессионалдылық пен элеганттылық - бұл Regent Hotel-дің қосылғыштары, оның визиттік карточкасы.

 

   Қызмет  көзі мен объектісінен ажырамайтындығы.

 

   Қонақ үй индустриясында қызмет көрсету қызмет көрсететін адамды да, қызмет көрсетілетін адамды да қажет етеді. Бұл қонақпен ұштасуды асыратын қызметшілері –  сатылып жатқан тауардың бір бөлігі болып табылады. Бөлмеге әкелінген тамақ керемет дәмді болуы мүмкін, бірақ егер официант оны қалай болса солай әкелсе, қонақ үй сервисінің жалпы бағасы түсіп қалуы мүмкін. Сатылып жатқан қызметтің бастапқы ажырамайтындығы, қонақтардың да сол қызметтің бір бөлігіне айналуына әкеледі. Мысалы, егер де тыныштықта демалуға келген қонақтың көршілері у-шулы болса, сол қонақтың бүкіл демалысы бұзылады деген сөз. Сондықтан менеджерлер қонақтардың бір біріне рахатын бұзбаушылығын қадағалау керек.

 

   “Ажырамайтындық”  түсінігінің тағы бір аспектісі  – бұл тек қызметшілер ғана емес, қонақтар да қызмет көрсетілуге  мүмкіндік беретін міндетті шарттарды  білулері керек. Мысалы, Holiday Inn Newark Еуропадан  келген туристер арасында жақсы танылған. Ал олардың көбісі кредиттік карточкасының жоқтығынан бар ақша немесе жол чектармен төлейді. Бұл жерде қосымша қызметтер үшін алдын-ала қабылдау жерінде төлеу керектігін білмейтін қонақтармен кейбір түсініспеушілік пайда болады.

 

   Сапаның тұрақсыздығы.Қонақ үй саласының қызметтері құбылмалы, басқаша айтқанда оның сапасы қызмет қандай жағдайда және кіммен көрсетіліп жатқандығына байланысты болады. Бұл құбылмалылықтың бірнеше себебі бар. Біріншіден, бұл қызметтер бір уақытта дерлік қабылданып көрсетіледі, ал бұл оның сапасын бақылау мүмкіндігін шектейді. Сұраныстың уақыттық тұрақсыздығы сұраныс жоғары болған кезде көрсетілетін қызметтің сапасын сақтауды қиындаттырады. Көп нәрсе қызмет көрсетушінің сол сәттегі жағдайына да байланысты. Бүгін керемет қызмет көрсеткен адам, ертең нашар қызмет көрсету мүмкін. Оның себептері әр түрлі болуы мүмкін: мүмкін ол аурып қалған шығар, немесе оның жанұясында проблемдері бар шығар. Қызмет сапасының өзгермелілігі мен құбылмалығы – қонақтардың шағым келтіруінің басты себептерінің бірі.

 

   Сақталмайтындығы. Қызметтерді сақтауға болмайды. Жүз бөлмелі қонақ  үй егер бүгін 60 бөлмесі толтырылса, ертең 140 бөлмесі толтырылуы мүмкін емес. Толтырылмаған 40 бөлменің шығындары  – бұл толықтырылмайтын жоғалтулар. Бұндай “тезбұзылатын” өнімді сатып  жатқандықтан қонақ үйлер қонақтардан бөлмелерді брондағаны үшін ақша алуы мәжбүр, қонақ келмеген жадайда да. Тұрақты табысты қамтамасыз ету үшін кәсіпорынға өз мүмкіндіктері мен ағымды сұранысы арасында амалдауға тура келеді, өйткені алмағандықтан туған шығындардың есесін қайыру мүмкін емес.

 

    Физикалық анықтылық әртүрлі күйде берілу мүмкін. Мысалы, қонақ үй бөлмесінің ішіндегі шынылардың сырт қапталуы олардың  тап-таза жуылғандығы жайлы айтады. Әжетхана қағазында және сантехника жабдығындағы қағаз сызық ванна бөлмесі тазаланғандығын көрсетеді. Hampton Inn’s вестебюлінде кіре берісте, мұнда салыстырмалы арзан бағаға тазалық, комфорт және жайлылық табатындығынды сезінуге болады. Қонақ үй индустриясының әр кәсіпорны өзінің көзбен шолып байқайтын имиджіне жан-тәнімен қарайды. Қазіргі кездегі нарықтағы бәсекелестікпен табысты күресі үшін кәсіпорын иесі мен басшылығы өзінің фирмалық сырт безендіпуін дамытады, және ол бәсекелестердегіден өзгеше болуы керектігін естен шығармау керек.

 

   Қонақ үйдің сырт келбеті.Лайықты түрде ұсталмаған қонақ үйдің  сырт келбеті оның атағына едәуір зиян келтіру мүмкін. Мысалы, ескі плакаттар, жазудағы әріптердің жанбауы, айналасы тазаланбаған болса, ал қызметшілері жүз жыл жуылмаған униформада тұрса, бұның бәрі қонақтарда жаман әсерін туғызады. Қонақ үйдің сырт келбеті міндетті түрде оның спецификасына сай болуы керек. Бұл оның жалпы әсерінің бөлінбейтін бөлігі және де қонақтың есінде қалу керек. Басқа сөзбен айтқанда, қонақ үй сырт келбетінің барлық элементтері ол туғызғысы келетін әсеріне сәйкес келуі көз қарасынан анализден өту керек.Соңғы кезде қонақ үйдің жағымды  имиджін құру үшін бөлмелерді және ғимарат айналасын жасылдандыру кең пайдалануда.