Қаржының объективті қажеттілігі және оның қоғамдық дамудағы рөлі

                                                 Қорытынды 

   Қаржының қажеттілігі мен оның қоғамдық дамудағы аса үлкен рөл атқаратындығы барлығымызға мәлім. Экономиканың алға аяқ басып, қоғамның ілгерілеуіне жол ашатын бірден-бір құрал – қаржы. Артта қалған салаларды жандандырып, оның әрі қарай дамуына көмектесетін де қаржы. Қоғамның әлеуметтік-экономикалық дамуында ол айшықты құрал ретінде пайдаланылады. Әлеуметтік теңсіздікті төмендетуге, қоғамның түрлі таптарының арасындағы айырмашылықтарды азайтуға, мемлекеттік, қоғамдық маңызы бар бағдарламаларда жүзеге асыруға көмектесетін құрал ретінде қаржыға баға беруге болады. Сонымен бірге қаржы оңтайлы ұлттық шаруашылықтың ара салмағын қамтамасыз етуде белсенді рөл атқарады: олардың көмегімен экономикалық және әлеуметтік дамудың индикативтік жоспарының басты элементгерінің өзара тендестірілуіне қол жетеді; қаржы тұтқаларын жоспарлы пайдалану қоғамдық ұдайы өндіріске каржының ынталандырғыш рөлін күшейтуге арналған негізгі қаржылық көрсеткіштерді мемлекетке орталықтандыра отырып анықтауға жағдай жасайды.

   «Қаржы  – бүкіл экономиканың күре  тамыры» деп, Елбасымыз Н. Ә.  Назарбаев айтпақшы, экономиканың  дамуы қаржымен тығыз байланыста. Қаржыны күре тамырға теңегендіктен-ақ  оның маңызы мен рөлін бірден  түсінуге болады. Қоғамды жаңарту,  оған өзгерістер енгізу және  дамыту қаржының көмегімен іске  асады.

   Қаржы  қоғамдағы ақшалай қатынастарды  реттеп, оның дұрыс бағытта жүруін  қамтамасыз етеді. Сондай-ақ қаржының  көмегімен бөлініп жатқан ақшалай  қаражаттардың керекті бағытта, керекті мөлшерде және керекті мақсатқа жұмсалып жатқанын қадағалауға болады.

    Қаржының бақылау қызметінің экономикалық мағынасы кәсіпорынның, фирманың шаруашылық - қаржы қызметіне бақылау жүргізу. Бұл бақылау матсриал, еңбек және ақша ресурстарын өнімсіз әрі тиімсіз пайдалануды анықтап қана қоймай, сонымен бірге кәсіпорындарда, фирмаларда өндіріс рентабелділігін арттырудың резервтерін ашуға, өндірістік емес шығындарды болдырмауға мүмкіндік береді.

   Қаржы мәселесі жөніндегі заңнамалардың бұлжымай сақталуын, мемлекеттік бюджет, банк алдындағы қаржылық міндеттемелердің, сондай-ақ шаруашылық жүргізуші субъектілердің есептесу және төлемдер жөніндегі өзара міндеттемелерінің дер кезінде және толық орындалуын тексеру қаржылық бақылаудың аса маңызды міндеттерінің бірі болып табылады.

  Осылайша, қаржы  көптеген қызметтерді атқара  отырып, қоғамдық дамуға көп септігін  тигізеді.  
 
 

                                     Пайдаланылған әдебиеттер: 

1. Н.Ә. Назарбаев  «Қазақстан жолы» - Астана, 2007 ж.

2. Құлпыбаев С., Мельников В.Д. «Қаржы негіздері» - Алматы, 2007 ж.

3. М.К. Байгісиев  «Ұлттық экономиканы мемлекеттік  реттеу» - Алматы, 2010 ж.

4. www.dkb-fin.ru

5. А.Ю. Казак  «Финансы и кредит» - Екатеринбург, 1994 г.

6. В.М. Сабанти  «Теория финансов» - Москва, 1998 г.

7. В.В. Ковалев  «Управление финансами» - Москва, 1998 г.

8. www.freepapers.ru

9. www.kaznamys.com

10. «Kazakhstan Today» ақпараттық агенттігі.