Көлік құралдарына салынатын салық және оның төлеу мерзімі

Салықтөлеуші жеке меншігінде 2007 жылы шығарылған маркасы Инфинити FX35  двигатель көлемі 3500 текше см. автокөлігі бар. 2011 жылға көлік құралы салығын есептеу: Бұл жағдайда  Инфинити FX35  автокөлігінің двигатель көлемі 3500 текше см. болған жағдайда двигатель көлемі 500 текше см.-ге артық  (3500-3000) болады. Соған қарай, көрсетілген көлік құралдарына 2011 жылы салық сомасы 26 180 теңге. (15*1512)+(500*7) = 26180 теңге, 15- салық мөлшерлемесі ( АЕК-нде), 500 – двигатель көлемінен (3500-3000 текше см.) двигатель көлемі асып кеткенде,  7 – асып түскен әрбір бірлік үшін салық мөлшерлемесі теңгемен, 26180 – 2011 жылға салық сомасы. 

Жеке тұлғалардың көлік құралы салығын есептеу және төлеу тәртібіне қандай  өзгертулер 2011жылғы 1 қаңтардан бастап Салық кодексіне енгізілді  

 2011 жылғы 1 қаңтардан бастап Салық кодексіне көлік құралдар салығы бойынша келесі өзгертулер енгізілді:

1. Салық кодексінің 367 бабының  1-1 тармағына салық салу санатына көлік құралдарын кіргізу былай түсіндіріледі:      

-  жеңіл көліктерге : 

    В категориялы автомобильдер;     

 жүкке арналған платформасы және жүк бөлігінен қатты стационарлық қабырғамен бөлінген жүргізуші кабинасы бар жеңіл автомобиль шассиіндегі моторлы көлік құралдары (автомобиль-пикаптар);        

 рұқсат етілген ең жоғары массасы және (немесе) жолаушылар орнының саны бойынша В санатына қойылатын талаптардан асып түсетін, сыйымдылығы ұлғайтылған және жүріп өту мүмкіндігі жоғары автомобильдер (жолсызбен жүретін автомобильдер, оның ішінде джиптер, сондай-ақ кроссоверлер мен лимузиндер) жатады;

-         егер осы тармақтың 1) тармақшасында өзгеше белгіленбесе, жүк автомобильдеріне С санатындағы автомобильдер жатады

-         егер осы тармақтың 1) және 2) тармақшаларында өзгеше белгіленбесе, арнайы автомобильдерге белгілі бір технологиялық процестерді немесе операцияларды орындауға арналған, арнайы жабдықтары бар автомобильдер жатады;

-         егер осы тармақтың 1) тармақшасында өзгеше белгіленбесе, автобустарға D санатындағы автомобильдер жатады.

2. Двигатель көлемі 2000-нан  2500 текше см. қоса алғаннан жоғары жеңіл автокөліктері бойынша мөлшерлеме 5 АЕК – ден 6 АЕК дейін, 2500-нан 3000 текше см. қоса алғаннан жоғары  8 АЕК-ден 9 АЕК-ке дейін көбейтілген.

Одан басқа, двигатель көлемі 4000 текше см.-ден  жоғары 117 АЕК мөлшерлемесі бойынша салық салынатын автокөліктердің асып түскен әрбір бірлігі үшін көлемнің төменгі шегінен салық сомасы 7 теңгеге көбейтіледі. 2010 жылы двигатель көлемі 4000 текше см.-ден  жоғары автомобильдер үшін салық сомасы көлемі 4000 текше см.-ден  асып кеткеніне қарамастан 117 АЕК мөлшерін құрайды.

Мысал:  Двигатель көлемі 4200 текше.см жеңіл автомобиль. 2010 жылы салық сомасы 117 АЕК = 117*1413 = 165 321 теңге. 2011 жылы осы автомобиль бойынша салық сомасы:

117 * 1512 + 200*7 = 178 304 теңге, 1512 – 2011 жылға АЕК. Көлемі 4000 текше.см асып кеткеніне әрбір бірлік үшін  қосымша 7 теңге төленеді.

2011 жылғы 1 қаңтардан  бастап көлік құралы салығын  салуға  3 АЕК мөлшерлемесі бойынша салық салу объектілері болып тракторлар, а/ш  тыңайтқыш енгізуге арналған, өздігінен жүретін, жол-құрылыс машиналары, және  механизмдер, жүріп өту шамасы бар арнайы машиналар және жалпылай қолданылатын автомобильдер жолдары бойынша жүруге арналмаған басқа да автокөлік құралдары жатады.