Кәсіпорынның инвесициялық жобасының ақша ағымдарын болжау

 

Бұл бизнес – жобада 4 жылдық шаруашылық қызметтің қаржылық нәтижелері талданған, тартылатын несиелік қаржы 610 000 USD қолданылады.

Инвестициялық талдаудың есептік бірлігі ретінде шет ел валютасы – USD (АҚШ доллары) қабылданды. Бағам: KZT/USD-150.0

Инвестициялық талдаудың есептік бірлігі ретінде шет ел валютасы – USD (АҚШ доллары) қабылданды. Инвестициялық талдау компьютерде жасалды және ол кәсіби бағдарламалық құрал болып табылады, соған қоса есептеулер бір-бірімен келістірілген кестелердің біріктілімі болып табылады, оларды жобаның түрлі қаржылық және экономикалық сипаты жазылған, ол Инвестициялық Жобаның Қаржылық-Экономикалық Үлгісі болып табылады. Бөлімде жобаны қаржылық үлгілеу кестелері мен олардың түсініктері берілген.

Жоба қаржылық несиенің келесі шарттары негізінде есептелді:

1. несие сомасы – 610 000 USD.;

2. жылдық пайыздық мөлшерлеме – 14%;

3. жоба уақытының есептік мерзімі – 5 жыл;

4. негізгі қарызды өтеу тоқсан сайын тең үлеспен жасалатын болады, жеңілдік мерзімін есепке алғанда – 1 жыл.

Қаржылық жоспарда барлық есептеулер төмендегі негіздемелер мен шарттардың ескерілуімен орындалған:

1. салық мөлшерлемелері мен нормативтері бойынша есептеулер негізіне Салық Кодексінің нормалары алынды;

2. жоспарлау аралығы ретінде жобалық кезең алдынды – 4 жыл, алғашқы жылы айлық ажыратылыммен берілген.

3. бұл жобаның экономикалық және қаржылық есептеулері осы бизнес-жобаны жасау барысында қалыптасқан тұрақты бағалар негізінде алынған.

4. есептеу әдісі инфляциялық үрдіс негізінде болатын шығын мен табыстың тікелей қатынасы болып табылады.

Үлгіні құрастыру барысында «Инвестициялық жобаларды бағалау және оларды қаржыландыру үшін іріктеу бойынша әдістемелік нұсқаулар», сонымен қатар ЮНИДО әдістемесі (БҰҰ жанындағы өнеркәсіптік даму Комитеті) қолданылған, ол жобаның ерекшеліктеріне байланысты түрлендірілген.

Жасалған қаржылық есептеулер, жоба бойынша жобаға арналған инвестицияның коммерциялық тиімділігіне қатысты алынған мәндерді талдау жобаны аса жоғары табысты, тәуекел деңгейі шартты, ағымдық қызметінің рентабельділігі жоғары және өзін-өзі ақтау мерзімі қысқа деп сипаттауға мүмкіндік береді.

Осылайша, жоба тиімді, рентабельді, айтарлықтай қысқа мерзімде өзін-өзі ақтай алады, оны инвестицияны пайдалы түрде орналастыру ретінде қарастыруға болады.

Жоба коммерциялық тұрғыда оның барлық қатысушылары үшін тартымды болып табылады.

Қорытынды

 

Қортындылай келе, инвестициялық жобаның ақша ағымы – бұл жобаны жүзеге асыру нәтижесінде  пайда болатын ақшалай кірістер мен шығыстардың уақыттағы бөлінісі.

Инвестициялық жобаны жүзеге асырудың әрбір қадамындағы (тоқсан, жыл) ақша ағымының  мөлшері (сомасы) ақшаның кірісімен, ақшаның шығысымен  және  ақша  ағымының сальдосымен (таза ақша ағымы)  сипатталады. Жобаны жүзеге асырудың әр  қадамындағы  сальдо ақшаның кірісі мен шығысының  айырмасы ретінде анықталады.

Кәсіпорынның нақты бір  жобаға қатысты инвестициялық іскерлігінің жалпы реттелуі жобалық цикл түрінде  қалыптасады және ол циклдің келесі

кезеңдеріне ие:

1. Жобаның тұжырымдалуы. Бұл кезеңде кәсіпорын жетекшілерінің  жоғары құрамы кәсіпорынның ағымдағы  жағдайына талдау жасап, кәсіпорынның  ары қарай дамуының пайдалы  бағыттарын анықтайды. 

2. Жобаны дайындау. Жобаның  бизнес идеясы бірінші тексерілімнен  өткеннен соң, оң немесе теріс  деген тиянақты шешім қабылдауға  болғанға дейін оны ары қарай  дамыту керек. 

3. Жобаны сараптау. Жобаны  іске асыру алдында оның білікті  сараптамасы  – жобаның өмірлік  цикліна аса қажетті саты жүргізілу  қажет. 

4. Жобаны іске асыру.  Бұл кезең бизнес идеяның дамуынан  бастап жобаның іске қосылу  мезетіне дейін толық қамтиды.  Мұнда қызметтің барлық түрінің  орындалуын қадағалау және мемлекеттің  ішіндегі реттеуші органдар мен  шетелдік немесе отандық инвесторларының  бақылауы кіреді. Берілген кезең  жобаны іске асуының негізгі  бөлігін де қамтиды, ал оның  мақсаты – бастапқы инвестицияны  жабу үшін жоба өндіретін ақша  ағымдарының жеткіліктілігін тексеру  және инвесторлардың салған ақшаларынан  күтетін қайтарылымдарын қамтамасыздандыру.

5. Нәтижелерді бағалау.  Бұл жобаның соңында, сондай-ақ  жобаны орындау процесі кезінде  жүргізіледі. Бұл қызмет түрінің  негізгі мақсаты жобаға салынған  идеялар мен олардың іс жүзіндегі  орындалу дәрежесі арасындағы  нақты кері байланысты алу  болып табылады.

Сонымен қортындылай келе әрбір кәсіпорын инвестициялық  жоба жасау барысында осы бес  кезеңнен және аталғандардың барлығынан өтеді.

 

 

 

 

Пайдаланылған әдебиеттер тізімі:

 

1. Б.С.Есенгельдин, Е.Т.Ақбаев «Қаржылық менеджмент» Оқулық, Алматы, 2011 жыл
2. Э.С.Мадиярова, С.Н.Сүйеубаева «Қаржылық менеджмент» Оқу құралы, Алматы, 2009 жыл
3. portal.agun.kz сайты
4. www.damu.kz сайты