Терроризмге қарсы iс-қимыл туралы

5-тарау.  Терроризм актiсi  салдарынан зардап  шеккен адамдардың 
залалдарын өтеу және оларды әлеуметтiк жағынан оңалту    

  16-бап. Терроризм актiсi салдарынан келтiрiлген  
               залалды өтеу     

 Терроризм  актiсi салдарынан келтiрiлген  залалды өтеу бюджет қаражаты  есебiнен, кейiн сол соманы Қазақстан  Республикасының заңдарында белгiленген тәртiппен өтеткiзу арқылы жүргiзiледi.  
      Ескерту. 16-бапқа өзгерту енгiзiлдi - ҚР 2004.12.20 N 13 (2005 жылғы 1 қаңтардан бастап қолданысқа енгiзiледi) Заңымен.    

  17-бап. Терроризм актiсiнен зардап шеккен адамдарды  
               әлеуметтiк оңалту     

 Терроризм  актiсiнен зардап шеккен адамдарды  әлеуметтiк оңалту Қазақстан Республикасының Үкiметi белгiлеген тәртiппен тегiн қажеттi құқықтық көмектi, психологиялық және медициналық оңалтуды қамтиды.    

  18-бап. Терроризмге қарсы iс-қимылға қатысушы адамдарды 
               қорғау      

  Ескерту. Тақырып  жаңа редакцияда - ҚР 2010.04.08 № 266-IV Заңымен.      

 Қазақстан  Республикасының терроризмге қарсы  iс-қимылды жүзеге асыратын мемлекеттiк  органдарының қызметкерлерiне, сондай-ақ  терроризмге қарсы iс-қимылда  көмек көрсететiн адамдарға және  олардың отбасы мүшелерiне өмiрi  мен денсаулығына қатер төнген жағдайда, олардың өтiнiштерi бойынша келбетiн, тегiн, атын және әкесiнiң атын, сондай-ақ жұмыс орны мен тұрғылықты жерiн осы органдарды ұстауға бөлiнген қаражат есебiнен өзгертудi жүзеге асыруға болады. 
      Ескерту. 18-бапқа өзгерту енгiзiлдi - ҚР 2010.04.08 № 266-IV Заңымен.     

  19-бап. Террористi келтiрiлген зиян үшiн жауаптылықтан  
               босату      

 Терроризмге  қарсы операция жүргiзу кезiнде  осы Заңда белгiленген негiзде  және шектерде террористiң денсаулығы  мен мүлкiне, сондай-ақ өзге де құқықпен қорғалатын мүдделерiне лажсыз зиян келтiруге жол берiледi. Бұл орайда терроризмге қарсы iс-қимылға қатысушы әскери қызметшiлер, мамандар және басқа адамдар терроризмге қарсы операция жүргiзу кезiнде келтiрiлген зиян үшiн немесе террористi жою туралы шешiм қабылдағаны үшiн Қазақстан Республикасының заңдарына сәйкес жауаптылықтан босатылады. 
      Ескерту. 19-бапқа өзгерту енгiзiлдi - ҚР 2010.04.08 № 266-IV Заңымен.

6-тарау.  Террористiк iс-әрекетке  қатысқаны үшiн  жауаптылық    

  20-бап. Адамдардың террористiк iс-әрекетке қатысқаны  
               үшiн жауаптылығы     

1. Террористiк  iс-әрекетке қатысушы адамдар  Қазақстан Республикасының Қылмыстық  кодексiнде көзделген қылмыстық жауапты болады. 
      2. Егер терроризм актiсiн дайындауға қатысқан адам мемлекеттiк органдарға дер кезiнде ескертсе немесе терроризм актiсiн болғызбауға өзге де әдiспен жәрдемдессе және оның iс-қимылында өзге қылмыс құрамы болмаса, ол қылмыстық жауаптан босатылады.  
      Ескерту. 20-бапқа өзгерту енгiзiлдi - ҚР 2009.07.10 N 175-IV Заңымен.    

  21-бап. Ұйымдардың террористiк iс-әрекет үшiн жауаптылығы     

1. Заңда белгiленген  тәртiппен сот шешiмi бойынша  ұйым террористiк деп танылады  және ол жойылуға (оның қызметi - тыйым салынуға) жатады. 
      2. Террористiк деп танылған ұйымды жою кезiнде оған тиесiлi мүлiк тәркiленiп, мемлекет кiрiсiне алынады. 
      3. Қазақстан Республикасының аумағынан тыс жерлерде тiркелген шетелдiк немесе халықаралық ұйымды (оның бөлiмшесiн, филиалын, өкiлдiгiн) сот террористiк деп таныған жағдайда, осы ұйымның (оның бөлiмшесiнiң, филиалының, өкiлдiгiнiң) Қазақстан Республикасының аумағындағы қызметiне тыйым салынады және ол (оның бөлiмшесi, филиалы, өкiлдiгi) жойылады, ал Қазақстан Республикасы аумағындағы оған (оның бөлiмшесiне, филиалына, өкiлдiгiне) тиесiлi мүлiк тәркiленiп, мемлекет кiрiсiне алынады. 
      4. Құқықтық статистика және арнайы есепке алу саласында статистикалық қызметтi өз құзыретi шегiнде жүзеге асыратын мемлекеттiк орган сот террористiк деп таныған ұйымдардың, оның iшiнде шетелдiк және халықаралық ұйымдардың бiрыңғай тiзiмiн жүргiзедi. Көрсетiлген тiзiм Қазақстан Республикасының Үкiметi айқындаған ресми мерзiмдi басылымдарда жариялануға жатады. 
      Ескерту. 21-бап жаңа редакцияда - ҚР 2010.04.08 № 266-IV Заңымен.  

7-тарау. Қазақстан  Республикасының  терроризмге қарсы  iс-қимылды жүзеге  асыратын мемлекеттiк  органдарының арнаулы  
мақсаттағы бөлiмшелерiн материалдық-техникалық жағынан  
қамтамасыз ету     

  Ескерту. 7-тараудың  тақырыбына өзгерту  енгiзiлдi - ҚР 2010.04.08 № 266-IV Заңымен.     

  22-бап. Қазақстан Республикасының терроризмге қарсы 
               iс-қимылды жүзеге асыратын мемлекеттiк 
               органдарының арнаулы мақсаттағы бөлiмшелерiн  
               материалдық-техникалық жағынан қамтамасыз ету     

  Ескерту. Тақырыпқа  өзгерту енгiзiлдi - ҚР 2010.04.08 № 266-IV Заңымен.      

 Қазақстан  Республикасы мемлекеттiк органдарының  терроризмге қарсы iс-қимылды  жүзеге асыратын арнаулы мақсаттағы  бөлiмшелерiн материалдық-техникалық  жағынан қамтамасыз ету бюджет қаражаты есебiнен жүргiзiледi.  
      Ескерту. 22-бапқа өзгерiс енгiзiлдi - ҚР 2004.12.20 N 13 (2005 жылғы 1 қаңтардан бастап қолданысқа енгiзiледi), 2010.04.08 № 266-IV Заңдарымен.

8-тарау.  Терроризмге қарсы  iс-қимыл саласындағы  қызметтi 
жүзеге асыру заңдылығын бақылау мен қадағалау     

  Ескерту. 8-тараудың  тақырыбы жаңа  редакцияда - ҚР 2010.04.08 № 266-IV Заңымен.     

  23-бап. Терроризмге қарсы iс-қимыл саласындағы қызметтiң 
               жүзеге асырылуын бақылау     

 Қазақстан  Республикасында терроризмге қарсы  iс-қимыл саласындағы қызметтiң  жүзеге асырылуын бақылауды терроризмге  қарсы iс-қимыл саласындағы қызметтi  үйлестiру жөнiндегi уәкiлеттi мемлекеттiк  орган жүзеге асырады. 
      Ескерту. 23-бап жаңа редакцияда - ҚР 2010.04.08 № 266-IV Заңымен.     

  24-бап. Терроризмге қарсы iс-қимыл саласындағы қызметтiң 
               заңдылығын жоғары дәрежеде қадағалау     

 Терроризмге  қарсы iс-қимыл саласындағы қызметтi  жүзеге асыру кезiнде заңдардың дәл және бiрiздi қолданылуын жоғары дәрежеде қадағалауды Қазақстан Республикасының Бас Прокуроры және оған бағынысты прокурорлар жүзеге асырады. 
      Ескерту. 24-бап жаңа редакцияда - ҚР 2010.04.08 № 266-IV Заңымен.      

  Қазақстан Республикасының  
      Президентi