Кәсіпкерлік қызметтің жекелеген түрлерін құқықтық ретеу

34. Нормативтік-техникалық құжаттар тізімі.

Персоналдың қауіпсіздігін қамтамасыз ету, процесті жүргізу, қондырғыларға қызмет көрсету және жөндеу жүргізу үшін қажетті өнеркәсіп, өрт, еңбек қауіпсіздігі, еңбек және қоршаған ортаны қорғау жөніндегі нормативтік-техникалық құжаттар тізімі келтіріледі.

Ұйым жетекшісі бекітетін нормативтік және техникалық құжаттар және ұйым қызметкерлері міндетті түрде басшылыққа алатын және орындалатын қолданыстағы нормалар, талаптар тізімі келтіріледі.

35. Өнім өндірудің технологиялық сызбасы (графикалық бөлігі).

1) өнім өндірудің технологиялық сызбасы «Технологиялық процесті сипаттау» тарауының графикалық қосымшасы болып табылады.

Үздіксіз процестерге арналған технологиялық сызба негізгі технологиялық аппараттарды, негізгі материалдық коммуникацияларды, негізгі басқару және реттеу органдарын, технологиялық параметрлерді бақылау және реттеу нүктелерін қоса алғанда, бір технологиялық тізбек (бірнеше бірлнеі ағындар болғанда) бойынша жасалады;

2) бақылау және автоматика құралдарының, арматуралардың шартты белгілері сызбада қолданыстағы стандарттарға және жобалау құжаттарына сәйкес көрсетіледі;

3) технологиялық сызбаға мұнай дайындау құрылғысының жетекшісі қол қояды және ұйымның техникалық жетекшісі бекітеді.

36. Қондырғылар ерекшеліктері 13-кесте үлгілері бойынша келтіріледі.

13-кесте

Қондырғылар ерекшеліктері

37. Ситуациялық жоспарда жобалау құжаттарында және жобаланатын және қолданыстағы өндірістік объектілердің қауіпсіздік декларациясында көрсетілген мәліметтер болады:

1) МДҚ, көмекші құрылғылар мен ғимараттарды сыртқы және ішкі коммуникацияларды, инженерлік жүйелер мен селитебті аумақтарды, санитарлық-қорғаныс аумақтар шекаралары, желдің басым бағыты ескеріле отырып орналастыру;

2) жұмыс орындары бойынша персоналдың саны;

3) қауіпті және зиянды өндірістік факторлардың осы аумақтағы адамдар саны мен зақымдау факторларының жету уақыты көрсетіле отырып, әсер етуі мүмкін аумақтары;

4) аварияға қарсы және өртке қарсы қорғаныс жүйесінің орналасуы;

5) газометрикалық бақылау жүйесін, жел бағытын, сигнал беру және хабарлау көрсеткіштерін орналастыру;

6) ЖҚҚ, ТО ЖҚҚ, ҰҚҚ және персоналға арналған жабуларды орналастыру;

7) персоналдың қауіпті аумақтан шығу шаралары және эвакуациялау жолдары;

8) бақылау бекеттерін, персонал мен көліктің қауіпті аумаққа өту шарттарын көрсету;

9) МДҚ, көмекші құрылғылар мен ғимараттарды қауіпті және авариялық жағдайда резервті басқару орны;

10) авариялық-құтқару, өрт және медициналық қызмет шақыру жүйесі.

________________

Мұнай және газ кен орындарын барлау кезіндегі өнеркәсіп қауіпсіздігі талабына

8-қосымша

Отпен қыздыру агрегатынан ғимараттар мен

имараттарға дейінгі қауіпсіз қашықтық

(ТПУН 3-85 технологиялық жобалау ноормалары бойынша)

________________________

Мұнай және газ кен орындарын барлау кезіндегі өнеркәсіп қауіпсіздігі талабына

9-қосымша

МГК барлау объектілерінің сенімділігі бойынша электрмен жабдықтаудың электр қабылдағыштарының санаттары

Ескерту:

Мұнай кен орындарында мұнай, газ және суды жинау, тасымалдау, дайындау объектілері технологиялық жобалау нормаларының ТПУН 3-85 6 кестесі бойынша келтірілген.

_________________________

Мұнай және газ кен орындарын барлау кезіндегі өнеркәсіп қауіпсіздігі талабына

10-қосымша

Өрт сөндірудің алғашқы құралдары

1. Өрт сөндірудің түрлері мен қажетті құралдарын анықтау кезінде жанатын заттардың физико-химиялық қасиеттері және өрт қауіпті қасиеттері, олардың от сөндіруші заттарға және өндірістік ғимараттар алаңдарына, ашық алаңдар мен құрылғылардың алаңдарына қатынасы ескеріледі.

2. Мөлшері 1х1 кем емес асбест ендер, ірі түкті маталар және кигіздер хаттардың жалындау кезінде үлкен емес ошақтарды сөндіруге арналған, олардың жануы ауаның түсуінсіз болмайды. ЖОС мен ЖЗ қолдану және сақтау орындарында ендер мөлшерлері арттырылуы (2 х 1,5; 2 х 2 м) мүмкін.

3. СТ РК 1174-2003 сәйкес су сақтауға арналған бөшкелер көлемі 0,2 м3 кем емес және шелектермен толықтырылады. Құмдарға арналған жәшіктер көлемі 0,5; 1,0 және 3 м3 болады және көсіп алатын күректермен толытырылады.

4. Өрт қабырғасының құрамына енгізілетін құмға арналған ыдыстардың көлемі 0,1 м3 болады. Жәшіктер конструкциясы құмды алу ыңғайлылығын қамтамасыз етеді және қалдықтардың түсуіне жол берілмейді.

5. Технологиялық қондырғыларды от сөндірушілермен жинақтау осы қондырғыға арналған дайындаушының техникалық құжаттарына сәйкес немесе тиісті өрт қауіпсіздігі ережелеріне сәйкес іске асырылады.

6. Импортты қондырғыны от сөндіргіштермен жинақтау оны жеткізіп беру келісім-шартына сәйкес жүргізіледі.

7. От сөндірушілер типін таңдау және оның санын есептеу 1 және             2 кестеде көрсетілген мәліметтер негізінде от сөндіру қабілеттілігіне, шектік аумағына, қорғалатын ғимараттағы жанатын заттар мен материалдар өртінің классына байланысты жүргізу ұсынылады.

А классы – негізінен органикалық қалыптасудағы қатты заттар өрттері, олардың жануы бықсу арқылы (ағаш, текстиль, қағаз) жүреді.

В класы – жанатын сұйықтар немесе балқитын қатты заттардың өрттері;

С класы – газ өрттері;

D класы – металдар мен олардың балқуларының өрттері;

Е класы – электр құрылғыларының жануымен байланысты өрттері;

От сөндіруші типін таңдау (жылжымалы немесе қолмен) мүмкін өрт ошақтарының мөлшеріне негізделген.

Үлкен мөлшерлерде жылжымалы от сөндірушілер пайдалану ұсынылады.

8. Пайдаланудың тиісті температуралық шегін таңдай отырып, ғимараттар мен имараттарды пайдаланудың климаттық жағдайлары ескеріледі.

9. Егер өрттің аралас ошақтары болса, онда от сөндіргішті таңдау кезінде пайдалану жағынан әмбебап құралдарға басымдылық беріледі.

10. Әртүрлі санаттағы ғимараттардың шектік аудандары үшін (бір немесес топты от сөндірушілермен қорғалатын максимальды аудан) 1 және 2 таблицаларда «++» немесе «+» белгілері алдында көрсетілген типтердің бірінің от сөндірушілерін қарастырады.

11. Қоғамдық, ғимараттар мен имараттарда әрбір қабатта екіден кем емес қолмен от сөндірушелер қарастырылады.

12. Д санатындағы ғимараттар олардың ауданы 100 м2 артық болмаса, от сөндірушілермен жабдықталмайды.

13. Өрт қауіптілігінің бір санатындағы үлкен емес ғимараттар болғанда қажетті өрт сөндірушілер саны осы ғимараттардың қосынды алаңын ескере отырып, 1 және 2 кестеде сәйкес анықталады.

14. Кәсіпорынның қайта зарядтауға жіберілген от сөндіргіштері зарядталған от сөндіргіштердің тиісті мөлшерімен ауыстырылады.

15. ЭЕМ, телефон станциялары ғимараттарын қорғау кезінде от сөндіретін заттардың қорғалатын қондырғылар, бұйымдар, материалдармен өзара әрекет ету ерекшеліктері ескеріледі. Ғимараттар мәліметтері хладононды және көмір қышқыл от сөндіргіштерімен от сөндіретін құралдардың шектік жіберілетін концентрациясы ескеріле отырып жабдықталады.

16. Өрт сөндірудің автоматты стационарлық құрылғыларымен жабдықталған ғимараттары, от сөндіргіштермен есептік мөлшеріне қарай 50 % қамтамасыз етіледі.

17. Өрттің мүмкін ошақтарынан от сөндіргіштерді орналастыру орындарына дейінгі қашықтық қоғамдық ғимараттар мен имараттар үшін 20 м; А, Б және В санатындағы ғимараттар үшін 30 м; Г санатындағы ғимараттар үшін 40 м; Д санатындағы ғимараттар үшін 70 м артық болмайды.

18. Өндірістік ғимараттарда және кәсіпорындардың өнеркәсіп алаңдарында алғашқы өрт сөндіру құралдарын орналастыру үшін 2 - ұнтақты от сөндіргіш, 1 - көмір қышқыл от сөндіргіш, 1 – құмы бар жәшік, 1 - тығыз мата (кигіз, брезент), 2 - лом, 3 - багр, 2 – балтадан тұратын жинағы болатын өрт щиттері орналастырылады. Өнеркәсіп кәсіпорындарының аумақтарында бір өрт щиті 5000 м2 есеппен анықталады.