Жағажай туризмі

       Жағажай   туризмі

Қазіргі таңда әлемдік экономикада туристік сала – аса жанды және перспективалы  салалардың бірі, кейбір елдерде туризм мемлекет кірісінің бірден-бір көзі болып табылады. Бүкіләлемдік туристік ұйымның болжамы бойынша, Қазақстан  тұрақты туризмді дамыту үшін болашағы бар елдер сапында. Барлық туристік нарықта Қазақстанның табиғатына, ландшафтарына  және ұлттық мәдениетіне үлкен қызығушылық  білдіреді. Туризм экономиканың басым  салаларының бірі ретінде белгіленген. Елбасы Н.Ә. Назарбаевтың «Бәсекеге  қабілетті Қазақстан үшін, бәсекеге қабілетті экономика, бәсекеге қабілетті  ұлт үшін» Қазақстан халқына  Жолдауында қойылған міндеттерге байланысты қазіргі уақытта туризмді дамытуға ерекше маңыз беріледі.

 

Маңғыстау – Қазақстан Республикасының  туристік саласын дамытуда үлкен  мүмкіндігі бар аймақ. Бұл жер  шөл даланың керемет ландшафтарының барлық түрін, қарт Каспийдің көкшіл суы мен шексіз құмды жағажайын, көшпелі сәулет өнерінің жарқын да, қайталанбастай үлгілерін, қазақтың алғашқы  қауымдық дәстүрлі мәдениетін өзіне  сіңіріп алған. Маңғыстауда туризмді дамытудың басым бағыттарының бірі – өлкенің экономикасын дамыту. Бүгінгі таңда осы сала қызметін тұтынушылардың әлемдік нарығында  облыстың туристік ресурстарын белсенді насихаттаудың аса өзекті мәселелерін  қарастыру қажет..

 

 Кең  байтақ Қазақстанда салынып жатқан  төрт мегатуристік жобалардың  бірі Маңғыстау облысында жүзеге  асырылуда. Бұл – «Кендірлі»  демалыс аймағы. Мамандардың айтуына  қарағанда, туризм саласын сапалы, әрі жаңа деңгейге көтеретін  аталмыш жоба еліміздің экономикалық  дамуына ықпал етері сөзсіз.

Сонымен қатар, Маңғыстауда әлем тұрғындарының  қызығушылығын тудырып отырған  тағы бір кешенді «Ақтау-Сити»  жобасы бар. Мұнда болашақта жаңа қала бой көтеретін болады. Бұл  жоба өлкенің экономикалық және әлеуметтік дамуына оң ықпалын тигізетініне ешкімнің күмәні жоқ. Аталған екі  жоба да Каспий энергетикалық хабымен  қатар ең ірі «Жер – Теңіз –  Аспан» мега жобасына кіреді

"Халықаралық  ынтымақтастықты дамыту үшін  және аймақтық туристік әлеуеттілігін,  соның ішінде іскерлік туризмді, бизнесмендер мен кәсіпкерлердің  іс-қызметі үшін, онда өмір сүру  мен белсенді демалысты дамыту  үшін Каспий теңізінің жағалауында  Ақтау-сити атты құрылыс кешенінің  жобасы әзірленді",- деді Нұрсұлтан  Назарбаев.

 

"Ақтау-сити" жобасының бірегейлігін және  бұрынғы кеңістік аумағында бірінші  рет салынғалы отырғандығын атап  көрсетті. "Бұл қалалық инфрақұрылымды  дамытудағы нағыз ілгерілеушілік. Ол Каспий жағалауындағы ең  көрікті әрі болашағы зор қала  болатындығына сенімдімін",- деп  атап өтті Елбасы.

Ақтау-Сити және  «Кендірлі Кұрылыс» мега жобасы