Аналіз часопіса "малады араты"

З'явіўшаяся  рубрыка «Вясковы тэатр» прапанавала  чытачам 1 акт п'есы «Уцёк з  турмы». А ў пастаяннай рубрыцы  «Горад» быў надрукаваны артыкул  «Як жыве і працуе рабочая моладзь Менскай электрастанцыі».

У гэтым нумары асабліва вылучаецца артыкул Н. К. Крупскай «Як чытаць кніжку», дзе аўтарка дае падрабязныя інструкцыі па гэтаму занятку. Прыклад:

«2. У час чытання трэба мець пад рукою: палітычны словар, вядома, маленькі і папулярны, карту СССР, Еўропы, Амерыкі.

Такія справачнікі павінны быць у кожнай бібліятэцы, хаце-чытальні.

Вось  чаму карысна чытаць у бібліятэцы. Калі працуеш дома і пералічаных прыладаў ня маеш – трэба ўсё незразумелае табе запісаць у сшытак, а потым ужо ўявіць».

Таксама былі надрукаваны  матэрыялы: «Чорныя дні», «За Рабоча-Сялянскую  Ўладу», «На варце народнай гаспадаркі».

Рэдактарамі выступілі Самахвалаў і Іл. Барашка.

На вокладцы № 7 (1925г.) быў размешчаны фотаздымак паседжання Прэзыдыума VII Усебеларускага З'езду Саветаў. Ніжэй месцілася:

«Пяць год таму назад у нас на Беларусі гаспадарыў агідны белы арол з яго прыслужнікамі – катамі жандарамі.

Сёння поўнаўладным гаспадаром у нас Вольны Усебеларускі З'езд Саветаў Рабочых, Сялянскіх і Чырвонаармейскіх Дэпутатаў».

На другой паласе была надрукавана інфармацыя аб сельскагаспадарчым падатку 1925-26гг. з прыпіскай: «Растлумачыць сялянству аб зменах у законе на падатак 1925-26гг., дапамагчы атрымаць гаспадарцы, у выпадку якой-небудзь бяды, ільготу – адна з найгалоўнейшых і спешных прац камсамольскіх ячэек і ўсяе вясковае моладзі».

Увогуле, гэты нумар  працягваў свае публіцыстычныя традыцыі, акрамя ўвядзення рубрыкі «Навука  і тэхніка» (навіны тэхнічнага прагрэсу).