Канстытуцыя Рэчы Паспалітай 3 мая 1791 года

Канстыту́цыя 3 мая, афіцыйная назва «Урадавы закон» (па-польску: Ustawa Rządowa z dnia 3 maja) — канстытуцыя Рэчы Паспалітай, прынятая на паседжанні Вялікага Сойму ў Варшаве 3 мая 1791 году. Сойм увайшоў ў гісторыю польска-літоўскай дзяржавы пад назвай чатырохгадовага канфэдэратыўнага Сойму. «Урадавы закон» стаўся перамогай так званай «патрыятычнай партыі», якая аб'ядноўвала ў сваім складзе прыхільнікаў рэформаў дзяржаўнага ладу, істотна карэктаваў сыстэму дзяржаўнага кіраваньня, сацыяльнае размежаванне ў краіне, кардынальныя правы шляхты.