Қаржы механизмінің тұрақты даму жағдайындағы ерекшеліктері

     Ұлғаймалы ұдайы өндірістің қалыпты ағыны экономикалық саясат пен механизмнің құрамды бөлігі ретіндегі қаржылық саясат пен қаржылық механизмге байланысты. Дұрыс тұжырымдалған қаржылық саясат, анық етіп қалыптастырылған, синхронды жұмыс істейтін қаржылық механизм қоғамнын әлеуметтік-экономикалық дамуына жәрдемдеседі. Кері үрдісте болады: егер қаржылық саясат экономикалық заңдардың іс-әрекетін толық ескермесе немесе олармен қарама-қайшылықта болса, онда тиісті каржылық механизм ұлттық шаруашылықтың, саланың, өңірдің және т.б. өндірістің мүмкіндіктерін толық пайдалана алмайды немесе пайдалануға оның халі жоқ; мұндай жағдайда қоғамның экономикалық дамуы тежелінеді, жағымсыз құбылыстар қордаланылады, қоғамға қарсы үдерістер пайда болады. Мұндай жағдай объективті экономикалық заңдардын талаптарын елемейтін басқарудың әкімшіл-әміршіл, тым орталықтандырылған әдістерін қолданғанда қалыптасады.

Қорытынды

     Экономика дамуының қазіргі кезеңінде қаржылық механизмді жетілдірудің міндеттері өндірісті  кеңінен демократиялаидырумен, коммерциялық негіздерді, рыноктық реттеуді ендірумен, шаруашылық жүргізудің нәтижелеріне экономикалық ынталылықты күшейтумен байланысты болып отыр. Ақшалай табыстарды, қорланымдарды және қорларды ұтымды пайдалану арқылы қаржылық механизм шаруашылықты жүргізудің түпкілікті нәтижелеріне белсенді түрде әсер етеді.

     Қаржылық  механизм қоғамның өндірістік катынастарының барлық жақтарынан өтеді. Сондықтан  шынайы, жақсы жолға қойылған каржылық механизмнін көмегімен өндіріске  белсенді түрде ықпал жасауға, оның тиімділігін арттыруға және экономиканы  өсіру үшін каржылық ресурстармен қамтамасыз етуге болады.

     Қаржылық  механизмді қалыптастыра отырып, мемлекет сол бір кезеңнің қаржылық саясаты  талаптарына оның толығырақ сәйкестігін  қамтамасыз етуге тырысады, бұл саясаттың  мақсаттары мен міндеттерін толық  жүзеге асырудың кепілі болып табылады. Сонымен бірге қаржылық механизм мен оның элементтерін жеке және ұжымдық  мүдделермен неғұрлым толық үйлестіруге  деген үнемі ұмтылушылық сақталынады, бұл - қаржылық механизм тиімділігінің  кепілі. 
 
 
 
 
 
 
 
 
 
 
 
 

Пайдаланған әдебиеттер: 

1.  С.  Кұлпыбаев, Қ. Қ. Ілиясов,  Қаржы - Алматы 2005ж.

2.  Н.Қ.  Мамыров, М.Ә. Тілеужанова, Макроэкономика  – «Экономика»    

     баспасы 2003ж. 

3. Әмірқанов Р.Ә., Тургулова А.Қ. Қаржы менеджменті. Оқу құралы. -     Алматы: 1999.
4. Бабич А.М., Павлов Л.Н. Финансы. Учебник. — М.: 2001.