Ішкі аудитті ұйымдастыру

Жиналған фактілердің  негізінде аудитор өзі жасаған  құжаттарға сүйене отырып, актіде анықталған кемшіліктерді қорытындылайды. Актіге тіркелетін тіркемелерді хронологиялық  тәртіппен номерлейді және оларға аудиторлар мен кәсіпорынның қаржы-шаруашылық қызметіне жауап беретін тұлғалар қол қояды.

Актіні жасаған кезде  кәсіпорында қандай нормативтік-құқықтық актілердің, нұсқаулықтардың, ережелердің  орындалмай, бұзылып жатқандығын, бұл  қалай көзге түскендігін, кім  және қандай дәрежеде тигізілген зияны  үшін жауапты екендігін нақты  көрсету қажет, және де нақты тұлғаны, жауапкершілік түрін (жеке, ұжымды), зиян шеккен соманы көрсету қажет. Бұдан  басқа, кәсіпорынның лауазымды тұлғаларының қайсысы қырсыздық немесе материалдық шығынға алып келген әрекеттер үшін жауапты екенін анықтау керек.

Кемшіліктерді тек анықтаумен ғана шектелмей, ауытқулар мен теріс  пиғылды әрекеттердің себептерін көрсету  керек. Мысалы, ассортименттегі өнімді өндірудің жоспарының орындалмағандығын  ғана белгілемей, шикізатты жеткізу  жөнінде келісім-шарттар құрылды  ма, жабдықтаушылардың қайсысы оларды орындамады, қандай шаралар қолданды және олар осы кемшіліктердің болашақта  алдын-алу үшін қаншалықты пайдалы  екендігін анықтау талап етіледі.

Егер тексерілетін құрылымдық бөлімшенің жетекшісі немесе бас  бухгалтері аудиторлық тексеру актісіне қатысты ескертулер мен қарсылықтар  білдірсе, олар бұны жазбаша түрде  көрсетеді. Бұл құжаттар да актіге тіркеледі.