Көлік салығын төлеушілер және салық салу объектілері

      Салықты есептеу тәртібі және төлеу мерзімдері

 Салық төлеушілер салық салу объектілерін, әрбір көлік құралы бойынша салық ставкасын және түзету коэффициенттерін негізге ала отырып, салық сомасын дербес есептейді.

 Көлік  құралы меншік құқығында, шаруашылық  жүргізу құқығында немесе оралымды  басқару құқығында салық кезеңінен аз уақыт болған жағдайда салық сомасы көлік құралы меншік құқығында, шаруашылық жүргізу құқығында немесе оралымды басқару құқығында болған кезең үшін салықтың жылдық сомасын 12-ге бөліп, оны көлік құралы меншік құқығында, шаруашылық жүргізу құқығында немесе оралымды басқару құқығында іс жүзінде болған айлардың санына көбейту арқылы есептеледі.

1995жылы 24 сәуірдегі «Салықтар және бюджетке  төленетін басқа да міндетті  төлемдер туралы» Қазақстан Республикасы Президентінің Жарлығына сәйкес көлік құралдарына салынатын салық мөлшерін салық төлеушілер салық ставкаларын ескере отырып, көлік құралдарының жалпы қуаты мен түріне қарай дербес белгілейді және ағымдағы жылдың 1 қыркүйегіне дейінгі мерзімде төлейді.

 Салық  кезеңі ішінде жеке кәсіпкерлер, жеке нотариустер, адвокаттар өз қызметінде пайдаланатын салық салу объектілеріне меншік құқығын, сондай-ақ заңды тұлғалар салық салу объектілеріне меншік құқығын, шаруашылық жүргізу немесе оралымды басқару құқығын берген кезінде салық сомасы мынадай тәртіппен есептелінеді:

1. Беретін  тарап үшін:

-салық  кезеңінің басында қолда бар  көлік құралдары бойынша салық  сомасы салық кезеңінен басынан  бастап көлік құралына меншік  құқығын, шаруашылық жүргізу немесе  оралымды басқару құқығын берген  айдың бірінші күніне дейінгі кезең үшін есептелінеді;

-салық кезеңінің ішінде сатып алынған көлік құралдары бойынша салық сомасы көлік құралдарына меншік құқығын, шаруашылық жүргізу немесе оралымды басқару құқығын алған айдың бірінші күнінен бастап көлік құралына меншік құқығын, шаруашылық жүргізу немесе оралымды басқару құқығын берген айдың бірінші күніне дейінгі кезең үшін есептеледі;

2. Алушы  тарап үшін-салық сомасы көлік құралдарына меншік құқығын алған айдың бірінші күнінен бастап, салық кезеңінің соңына дейін немесе алушы тарап одан кейін аталған көлік құралына меншік құқығын, шаруашылық жүргізу немесе оралымды басқару құқығын берген айдың бірінші күніне дейінгі кезеңге ғана есептеледі.

 Салық  кезеңі ішінде жеке кәсіпкерлер,  жеке нотариустар, адвокаттар  болып табылмайтын жеке тұлғалар  салық салу объектілеріне меншік  құқығын берген кезінде салық  сомасы мынадай тәртіппен есептелінеді:

1) көлік  құралына меншік құқығын жеке  кәсіпкерлер, жеке нотариустар, адвокаттар болып табылмайтын жеке тұлғаларға берген кезде жылдық салық сомасын тараптардың біреуі есептеп, бюджетке енгізеді;

 2) көлік құралына меншік құқығын жеке кәсіпкерлерге, жеке нотариустарға, адвокаттарға, заңды тұлғаларға берген кезде бюджетке төленуге тиісті салық сомасы жоғарыда аталған тәртіпке орай төленуі тиіс.

 Алу  кезінде Қазақстан Республикасында  есепте тұрмаған көлік құралдары  сатып алған кезде салық сомасы  көлік құралына меншік құқығы, шаруашылық жүргізу немесе оралымды  басқару құқығы туындаған айдың 1 күнінен бастап салық кезеңінің аяғына дейінгі кезең үшін есептелінеді.

 Меншік  құқығында, шаруашылық жүргізу  немесе оралымды басқару құқығында  1 шілдеге дейін болған көлік құралдары бойынша бюджетке салық төлеу салық салу объектілерінің тіркелген жері бойынша, ағымдағы төлемдерді енгізу арқылы салық кезеңінің 5 шілдесінен кешіктірілмей жүргізіледі.

 Қазақстан  Республикасында есепте тұрмаған  көлік құралдарына меншік құқығы, шаруашылық жүргізу немесе оралымды басқару құқығын салық кезеңінің 1 шілдесінен кейін алған жағдайда, бюджетке салық төлеу көлік құралын мемлекеттік тіркеуге дейін немесе тіркеу кезінде жүргізіледі.

 Алу  кезінде Қазақстан Республикасында  есепте тұрған көлік құралдарына  меншік құқығы, шаруашылық жүргізу  немесе оралымды басқару құқығын салық кезеңінің 1 шілдеден кейін алған жағдайда, жеке кәсіпкерлер, жеке нотариустар, адвокаттар, заңды тұлғалар салық кезеңі үшін декларацияны табыс ету мерзімі басталғаннан кейінгі он жұмыс күнінен кешіктірілмейтін мерзімде көрсетілген көлік құралдары бойынша салық төлеуді жүргізеді.

 Көлік  құралының меншік иесі атынан  меншікті сенімгерлік басқару  құқығында көлік құралын иеленуші  тұлғаның көлік құралдарына салық  төлеуі көлік құралына меншік  иесінің осы есепті кезең үшін  салық міндеттемесін орындауы болып табылады.

 Көлік  құралдары салығын есептеу мен  төлеу үшін салық кезеңі-күнтізбелік жыл болып саналады.

 Салық  төлеушілер (жеке кәсіпкерлер, жеке нотариустар, адвокаттар болып табылмайтын жеке тұлғаларды және бюджетпен есеп айырысуды ауыл шаруашылық өнімдерін өндірушілерге арналған арнаулы салық режимінде жүзеге асыратын заңды тұлғаларды қоспағанда) көлік құралдары салығы бойынша ағымдығы төлемдер есебін ағымдағы салық кезеңінің 5 шілдесінен кешіктірілмейтін мерзімде, сондай-ақ декларацияны есепті жылдан кейінгі жылдың 31 наурызынан кешіктірілмейтін мерзімде салық салу объектілерінің тіркелген жері бойынша салық органдарына табыс етеді. 

 Жүк автокөліктерінің 2004 жылғы көлік құралдары салығы 

Шынжыр  табанды машиналар  мен механизмдерді  қоспағанда, өздігінен жүретін машиналар мен пневматикалық жүрістегі механизмдердің  2004жылға арналған

салық ставкалары 

Автобус көлік құралдарының 2004жылға  арналған салық ставкалары 

  Мотоциклдер, мотороллерлер, мотошаналар, көлемі шағын кемелердің 2004 жылға арналған салық ставкалары 

  Катерлер, кемелер,  буксирлер, баржалар, яхталардың (двигателінің қуаты ат күшімен) 2004 жылға арналған салық ставкалары