Қазіргі заман бухгалтерлік есеп, аудит және экономикалық анализдің даму ерекшеліктері

       -Жоғары  оқу орындарында оқытушы-профессорлық  құрамды қайта даярлаудан өткізу  үшін экономикалық мотивацияның  жоқтығы;

       -Жоғарыда  айтылып кеткен мәселелердің туындауына себепші тағы бір жағдай: ХҚЕС бойынша кейбір жағдайларды түсіндіруге көмектесе алатын, консультация немесе әдістемелік әдебиет бере алатын қоғамдық ұйымдардың жоқтығы. Тек USAID санамағанда, бұндай қоғамдық ұйымдардың болмауы. USAID сияқты ақпараттық базасы және ХҚЕС бойынша кәсіби мамандары барқоғамдық ұйымдар белгілі бір көлемдегі ақшалай сомаға ғана өз қызметін көрсетеді. Алайда, әрбіпр консультация үшін әр кезде кез-келген оқытушы өз қалтасынан төлей алмайды;

       - Тағы да ең маңызды себетердің бірі, бұл, бакалавриат және магистратура деңгейлері бойынша оқыту бағдарламаларын құруда бірегей жүйенің болмауы. Осыған байланысты шет елдік жоғарғы оқу орындарында бухгалтер мамандарын дайындау тәжірибесі күннен-күнге қызықтырып келеді. Қалайша шет елдік түлектер CIPA, CAP бағдарламасы бойынша емтихан тапсырады және қандай талаптарға жүгінеді?  Осыдан қазіргі уақытта шет елде пайдаланылатын кітаптардың, әдістемелік құралдардың тіпті орыс тілінде де кәсіби аударылымдардың жоқтығын аңғаруға болады.

       Қазіргі заман бухгалтерлік есеп, аудит және экономикалық анализ даму ерекшеліктеріндегі кейбір мәселелерді  шешу жолдарын ұсынсам, жалпы, менің ойымша, Қазақстанда  кәсіби серіктестіктермен  жоғарыда айтылып кеткен мәселелерді шешуде белгілі бір қадамдар жасалуда, алайда, республикалық деңгейде кешенділік жетіспеуде. Осы күндегі бухгалтерлік ұйымдардың енжарлығынан  шығыстық жүйеге сәйкес өзімен-өзі дамудың күтілуі екі талай,  сондықтанда осыған байланысты заңды түрде алғышарттар жасай отырып, барлық бухгалтерлік жүйенің өзегі бола алатындай  бухгалтерлік кәсіби ұйымдардың рөлін күшейтуге акцент қоя отырып осы жүйені дамытуға ерекше назар аудару қажет. Ол дегеніміз:

       -Кәсіби  бухгалтерлер мен аудиторларды  халықаралық бағдарламаларға сәйкес  тиесілі бірегей оқу бағдарламасымен және әдістемелік-құралдармен қамсыздандыру

       -Бухгалтерлерді  кәсіби қайта даярлаудан өткізу  мен сертификаттау жүйесін дамыту  мен кемелдендіру 

       -Қоғамның  назарындағы ұйымдардың бас бухгалтерлерін  кәсіби сертификаттаудан өткізуге  міндеттілігін заң түрінде енгізу

       -Орта  және жоғары оқу орындарындағы  қолданылатын оқу бағдарламаларын   қайта бағдарлау, сондай-ақ кәсіби  бухгалтерлер мен аудиторларды  даярлауда ХҚЕС-н тереңірек оқыту  және оны тәжірибе ретінде  пайдалануға арнайы бағдарламаларды құру

       -ХҚЕС-н  оқыту жүйесінде оқыту бағдарламасын  жандандыру және жаңадан әдістемелік  оқу құралдары мен әдебиеттерді енгізу

       -Тәуелсіз  кемелдендірілген кәсіби аудитті  дамытуға ең маңызды тірек,  акцент қою. Ең басты мәселе, мұнда, аудит мамандығын күшейту, оның өз-өзін реттеу қабілеттілігін дамыту және кәсіби мамандандырылған аудиторларды арттыру.

       Алайда, сөзімнің соңында,  Қазақстанда алынған  теориялық және практикалық білімдерді төменсітіп және мән бермей қарау  дұрыс емес дегім келеді. Жинақталған  тәжірибені бағалау керек. ССонымен қатар, әрқашан өзінің кәсіби деңгейін көтермелеу мен ХҚЕС-н меңгерумен шұғылдану керек дегім келеді.

       Қорытындылайтын болсам, жалпы, менің ойымша осындай  мәселелерді қандай болмасын шешу жолдарын таңдамас бұрын, біздер -   өзімізге тиесілі ділімізді түсініп алуымыз қажет. Қазақстан мен Монғолиядан басқа дүниежүзінде тікелей түрде көшпелі түрдегі өмірден пайда болған ұлттар санаулы. Көшпенділердің өмірі әрқашанда өзгермелі сыртқы жағдайларға шұғыл түрде бейімделу қажеттілігімен, яғни тез үйренумен байланысты болды. Ал, осындай біздің діліміздің қасиеті бүгінгі - әрқашан өзгермелі жаңа заан күндерде төтенше маңызды мәселе болып есептеледі. Біздің осындай артықшылығымызбен, ерекше қасиетімізбен білім беру мен ұлттық ұйымдардағы менеджмент жүйесінде және жоғарыда атап кеткен  мәселелерді шешуде, жалпы, еліміздің экономикасын дамытуда пайдалануымыз қажет. Нәтижесінде, еліміз – Қазақстан 50 бәсекеге қабілетті елдер қатарына кіріп, экономикасы жоғары дәрежеде дамып және алдағы уақытта биік асулардан көріне береді деп сеніммен айта аламын!