Номирлерди тазалау

Нөмірді тазалаушы

Нөмірді тазалаушы – кез-келген қонақ үйдің немесе отельдің маңызды қызметшісі болып табылады.

Мазмұны

          • 1 Тарихы

• 2 Атқаратын қызметтері
• 3 Қонақ үйдегі бөлмелерді тазалау үшін толық нұсқаулық
• 4 Қызметші әйелге арнайы қауіпсіздік сақтау ережелері
• 5 Критерийлері
• 6 Қызметінің бағасы
• 7 Нөмірді тазалаушы қасиеттері

Тарихы

Нөмірді тазалаушылардың қызметі  өте маңызды. Қонақ ең алғаш нөмірді брондаған кезде, қонақүйді ұнатуы мүмкін, бірақ жиналмаған нөмір оған тек кері әсерді қалдырады. Сондықтан, қызметкерлерді – кел-келген кәсіпорынның айнасы деп бекер айтпаған. Тазалаушы қызметі бұрын кездерден бері пайда болған. Бұрында үйдің бөлмесінің тазалығына жауап беретін қыздарды солай атаған. Еуропалықтар тазалаушыларды «офис-рум» деп атайды. Жалпы алғанда, бұл қызметке әйел адамдар барады. Ер адамдарды көбінесе мұсылман елдерінде кездестіруге болады. Мысалы, Египетте. Өйткені дәстүрлері бойынша, олар өздерінің қыздарын шетелдіктерге көрсетпейді екен. Негізінен, бұл жұмысқа тым жас, не үлкен жастағы әйелдерді алмайды, орта жас, яғни 35-50 шамасында болуы керек^[1].

Атқаратын қызметтері

Жалпы алғанда, нөмірді тазалаушы  мынадай қызметтерді атқарады:

• Еден жуу;
• Жиһаз бен кілемдерді тазалау;
• Қабырғалар мен өзге де жерлерден шаңды сүрту;
• Терезелерді жуу;
• Гүлдерге су құю;
• Төсек-орынды ретке келтіру;
• Төсек-орынды және орамалдарды ауыстыру;
• Перделерді қағу;
• Интерьердің барлық бөліктерін жуу;
• Тұрақтаушылардан тұрмыстық қызметтерге тапсырыс алады және олардың уақтылы орындалуын қадағау;
• Мини-барларды әрдайым толтырып отыру;
• Нөмірлердегі жарықты тексеру;
• Нөмірдегі бар құрал-жабдықтар мен оның жалпы жағдайын қадағалау;
• Клиенттен кеткен кезде нөмірді қабылдап алу;

Бір смена ішінде тазалаушы 8-ден 20-ға дейін нөмірлер мен қызметтік  орындарды жинастырады. Бір нөмірді  жинау үшін 20-дан 90 минутқа дейін  уақыт беріледі. Статистика бойынша, бір клиент қонақ үйдің 5 қызметкерін жұмыспен қамтамасыз етеді.

Қонақ үйдегі бөлмелерді тазалау үшін толық нұсқаулық

Мысалы, осындай нұсқама номерлерді тазалау үшін қысқартылған түрде  келесідей бейнеде көрсетіледі:

• Номердің есігін 3 рет қағу керек, қонақтың жоқтығына көз жеткізгеннен кейін, номердің есігін ашады;
• Терезені ашып, қоқысты жинау керек;
• Төсек орынды алып тастайды, кір төсек орын жаулықтарын жинап алып, тазасын салад, қолын жуады;
• Ыдыс-аяқтарды жуып төңкеріп, сүлгімен жауып қою керек;
• Ванналық бөлмені жинау керек;
• Терезені жауып және шанды тазалауы керек, жоғарыдан төмен қарай;
• Еденді тазалау: ең алдымен ол сыпырылады, ал содан кейін шаңсорғышпен тазалану қажет.

Номерді тазалау үшін оның көлемі мен жабдықталуына байланысты 20-30 минут беріледі. Тазалықтың сапасы жоғарғы қызметші әйелмен бақыланады, ал кей кезде арнаулы бақылаушымен. Тексерушілер үшін арнаулы инспекциялау тәртібі туралы нұсқаулық бар.

Қызметші әйелге арнайы қауіпсіздік сақтау ережелері

• номерде кілттерін ұмытқан қонақтар немесе жұмысшылар үшін есіктерді ашпау;
• номерлердің кілттерін өзінде ұстау қажет, оны жұмыс арбшасында тастамау керек;
• номерді тазалау кезінде оған кіретін есік ашық болу қажет, бірақ кір беріс жұмыс арбашасымен жабу керек;
• күдікті клиент туралы қызметші әйел күзеттерге хабарлау керек.

Номерлерді тазалаудан басқа тұрмыстық  қызметке холл, кіреберісті, мейрамхана бөлмелерін тазалау жүктелген. Бұл  жұмысты арнайы персонал «ауыр» және күшті техниканы қолдану арқылы орындайды. Қонақ үйдің қоғамдық бөлмелерді тазалаудың 2 стандарты  бар: қарапайым (күнделікті тазалау) және беделді (шаң күніне екі рет тазаланады). Күнделікті тазалаудан басқа қонақ  үйде бөлмелерді мезгілді тазалау (мысалы, көктемдік тазалау) жүргізіледі.

Жинаушының негізгі қызметі  номерлерді жинау. Номерлерді жинау 3 түрлі  болады: күнделікті, тұрушы кеткеннен  кейін, генералды, аралық жинау. Номерді  жинау қызметі тұрғын жоқ кезде  немесе оның рұхсатымен жасалады. Номер  бұйымдарының бүтіндігін тексеру де үй жинаушының қызметіне жатады. Санитарлық буынды жиюмен аяқталады. Тұрғыни бөлікте 10 күн аралығында генералды жинау  жасалуы тиіс. Қонақүйлерде сонымен  қатар дизенсекция және дератизация жүргізілуі тиіс орналастыру қызметі номерлік қордың эксплуатациялық жағдайын регистрация жасайды. Номерлі қор қызметін басқару, бұл қызметке туристерді қабылдау, бөлмені сақтау, бөлмелерге тіркеу, оларды үйіне экскурсия біткен соң, үйіне жіберу, лоарға қызмет көрcету, бөлмелерде санитарлы – гигеналық тазалықты сақтау.

Кейбір қонақ үйлерде супервайзерлер қызметі жұмыс істейді, олар стандартқа сәйкес бөлменің жиналуына, жинаушылардың жұмысына бақылау жүргізеді. Супервайзерлердің міндеті – бос және бос емес номер туралы қабылдау қызметіне хабарлама жасау.

Жоғары категориялы қонақ үйде, екінше күннің жартысынан бастап жұмыс  істейтін стюардтар бар. Стюардтардың міндетіне номерлерге таза сүлгі жеткізу, номерді әсемдеу және т.б. Бұл рәсім Америкадағы жоғары класс отельдерінде сақталады.

Критерийлері

Нөмірді тазалаушы қызметі –  өте ауыр әрі қиын жұмыс болып  табылады. Жалпы алғанда, кез-келген нөмірді тазалаушы қызметіне  төмендегі критерийлерге жауап  беретін әйелдерді алады:

• Нөмірді тазалаушы қызметі физикалық жағынан ауыр. Күніне 10-15 не одан да көп нөмір жинауға тура келеді, бұл сол кездегі жұмысбастылыққа және қонақ үйдегі нөмірлер санына байланысты. Сондықтан, қызметкер осындай жұмысқа дайын болуы қажет ( қызметкердің тазалаушы заттарға аллергиясының жоқтығын тексеру керек);
• Нөмірді тазалаушы ұқыпты әрі жинақты болуы керек. Ол администратор сияқты, қонақтармен кездеседі. Егер де қонақ үйде арнайы униформа болмаса, онда киімдердің үлгісін ертерек анықтап алу қажет;
• Сонымен қатар, қызметкердің тәрбиесіне көңіл бөлінеді. Ол тәрбиелі болып қана қоймай, кез-келген уақытта қонаққа көмекке келе алуы қажет (жол көрсету, белгілі бір сұрақтарда көмектесу және т.б.);
• Негізінен, нөмірді жинаушы қызметі кезекпен болады. Яғни ол 2/2 немесе түнгі кезекте жұмыс істейді. Кейбір қонақүйлерде бес күндік, демалыста жұмыс істейтін және жұмыс күні –демалыс күні деген тәртіп бар. Әдетте демалу уақыты ретінде бір түскі ас уақыты мен 10 минуттық демалуларды айтуға болады. Жұмыс кезінде өзге қызметкерлермен жұмыс бабымен емес, сөйлесуге болмайды.

Қызметінің бағасы

Өздерінің қызметтері үшін нөмірді  тазалаушылар онша көп жалақы алмайды. Ол 300-700$ шамасында және клиенттерден түскен қосымша ақша ( кейбір қонақүйлерде қосымша ақшаны алуға тыйым салынған). Негізінен табыстылық тікелей жұмыстың сапасына байланысты. Жаңадан жұмысқа  тұрғандарға жалақы аз мөлшерде беріледі, өйткені олар әлі өзгелер сияқты көп бөлмелерді тез жинай алмайды.

Нөмірді тазалаушы қасиеттері

Нөмірді тазалаушының бірден бір маңызды  қасиеті ретінде адалдық, инабаттылық  және ар-ұяттылықты жатқыздыруға болады. Өйткені қонақ абайсызда белгілі  бір дүниесін, аса бағалы затын  ұмытып не жоғалтып алуы мүмкін. Мұндайда көмекке ең бірінші болып, қызмет көрсетуші персонал келуі керек. Бұл қызметте сонымен қатар, медицинадағыдай, «профессионалдық құпия» болады, яғни, нөмірде нені ғана көріп, нені естімейсің. Мұның барлығы құпия ретінде  қалуы керек. Нөмірді тазалаушы, қонақтар жайлы бірнәрсе айтып немесе олар жайлы өсек таратуға құқығы жоқ.