Тауарлық – материалдық қорлар

Тауарлық  – материалдық  қорлар.

    Кәсіпорындар мен ұйымдар қызметі барысында өздерінің өндірген дайын бұйымдары, сату үшін сатып алған тауатлары, сатып алған бірақ әзірге ұйымға келіп түспеген тауарлары (жолдағы тауарлар), аяқталмаған өндіріс, басқаларға көрсеткен қызметтері, сондай – ақ жұмыстарды орындау және қызметтерді көрсету барысында пайдалануға  арналған қосалқы бөлшектері, отындары, ыдыс және ыдыстық материалдары, жартылай фабрикаттар және басқа да материалдары сол ұйымның тауарлық – материалдық қоры түріндегі ағымдық активі болып табылады.

    Олардың өндіріс құралдарынан өзге еңбек заттары өндірісте пайдаланылған кезде өздерінің бастапқы құнын түгелдей өндірілетін өнімге ауыстырады. Шығарылатын өнімнің, атқарылатын жұмыстың өзіндік құнының көп бөлігі еңбек заттарының құнынан тұрады. Сонымен қатар еңбек заттары өндірістік қор болып табылады.

    Материалдарды есептеудің негізгі міндеттері:

1. Дайындалған, келіп түскен және өндіріске немесе сыртқа босатылған материалдарды уақытында есептеп, кіріске алу немесе есептен шығару.
2. Материалдардың қоймада және тасымалдау кезінде түгел сақталуын бақылау.
3. Материалдық қорлар қалдығының белгіленген мөлшерден артып немесе төмендеп кетпеуін бақылау.
4. Материалдарды өндірісте пайдаланған кезде олардың техникалық жолмен анықталған мөлшерін және тұтыну мөлшерінің қорын анықтау.
5. Материалдардың өндірісте ұтымды пайдаланылуын бақылау.
6. Дайындалған материалдардың өзіндік құнын анықтап және олардың жоспарлы есептеу бағасынан айырмашылығын тауып, пайдаланылған материалдар құнын әр обьектінің шығынына қосу.

      Жақсы және дұрыс ұйымдастырылған есеп материалдардың түгел сақталуына, үнемді пайдаланылуына көмегін тигізеді. Материалдардың түгел және дұрыс сақталуы, сондай – ақ ұтымды пайдаланылуы, жұмсалуы үшін алдын ала мыналарды жасау қажет:

• Тиісті түрде жабдықталған материалдық – қорларды сақтайтын қойма немесе бөлме болуы қажет және бөлмелердің әрқайсысы материалдардың белгілі бір түрін сақтауға арналған болуы қажет,
• Материалдар қойманың әр бөлігінде өздерінің түрлері, сорттары, өлшемдері бойынша керекті кезінде тез алуға және босатқаннан кейінгі кезде қалдығын тексеруді қамтамасыз ететіндей етіп орналастырылуы керек.

     Кәсіпорындар мен ұйымдардың  әкімшілігі материалдарды сақтайтын  жерді таразымен, өлшеу аспаптарымен  және ыдыстармен жабдықтап және  оларды жиі тексеріп, дұрыстығын  қадағалап отыруы керек. Ұйымның  басшысы материалдарды қабылдайтын  және босататын адамдардың топтарын  белгілеп, олармен материалдарға  жауапкершілік туралы шарт жасайды.  Сондай – ақ кәсіпорын басшысы  материалдарға жауапты адамдарды  жұмысқа алу, жұмыстан босату  барысында ұйымның  бас бухгалтерімен  алдын ала келісіп отыруы қажет. Материалдарды кіріске алу және қоймадан босату құжаттарына қол қою құқығына ие болған қызмет иелерінің тізімін белгілеу кәсіпорын басшысының немесе ол сенім білдірген адамның жұмысы болып табылады. 
 
 
 
 
 
 
 
 
 
 
 
 
 
 
 
 

Қазақстан Республикасының  ғылым және білім  министірлігі

Қарағанды Банк колледжі 
 
 

      Реферат

Тақырыбы: Тауарлық – материалдық  қорлар  
 

              Орындаған: Мақажанова Ш. А.

  Тексерген: Оралова  Р. Т. 
 
 

Қарағанды 2011жыл