Автор: Пользователь скрыл имя, 23 Ноября 2011 в 17:17, сочинение
Татар әдәбияты, бүтән халыкларның әдәбиятлары кебек үк, күп баскычларны, күп дәвер һәм этапларны үтте. Аның эчтәлеген, характерын һәм үсеш баскычларын, беренче чиратта, әлбәттә, халык тормышындагы экономик һәм иҗтимагый-политик шартлар билгеләде. Әмма татар әдәбияты, океан уртасындагы ялгыз утрау булмыйча, дөнья әдәбияты материгының бер өлкәсе рәвешендә башкалар белән «тел, лөгать, гадәт вә әхлак алмашып» үсте, үзеннән олырак һәм тәҗрибәлерәк әдәбиятларның казанышларын иҗади үзләштерә килде, үз тәҗрибәсен уртаклашуда да саранлык күрсәтмәде.