Асыл қасиеттер

     Асыл  қасиеттер 

     Адамның бойындағысының бәрі: жүзі де, киген киімі де, жаны да, ақыл ойы да әсем болуы керек. Адам тумысынан бір-бірінен сонша ерекше болып тумайды. Оны ақыл-ой, сана-сезім, істеген ісімен ерекше  етеді. Абай  атамыз  айтқандай  адамда үш жақсы қасиет бар: ыстық қайрат, нұрлы ақыл, жылы жүрек.

     Ғұмыр  бойы бақытты болғың келсе, адал бол, асыл  қасиет те, асыл мінез де адал адамдарда болады. «Адал арың –  ақ мамық жастығың», - дейді халқымыз.

     Сүйегі  жоқ балық болмайтындай, кемшілігі  жоқ адам да болмайды. Өз жанына көп  үнілген адам өз кемшіліктерін түзете алады, бәрін білемін демейді, көкірек  кермейді. Адам - білімі, лауазымы қанша жоғарласа да кішіпейіл болып, аспанға қарамай, адамға қараса  ғана  оның  ісі  оңға  басады, әйтпесе  кері  кетеді. Адамның ең асыл қасиеті – жақсылықта. Яғни  адам адамға жақсылық жасау үшін жаралғанын  түсінгені  абзал. Халықтың асыл  қасиеттері – ұлттың басты  байлығы деген сөз.