Қазақстан Республикасы қаржы министрлігінде «Электрондық Үкіметті» құру жөніндегі іс-шараларды іске асыру барысы туралы

Бүгінгі таңда  Тізілімге есепке алынатын объектілерді кеңейту бойынша міндет тұр, олар «Мемлекеттік мүлік туралы» Заң  жобасында мыналарды: 

мемлекеттік материалдық  резервті; 

мемлекетке тиесілі  зияткерлік меншік объектілерін; 

ұлттық мәдени игілік объектілерін; 

жер пайдаланудағы  жер учаскелерін, сондай-ақ есепке алынуы автоматтандырылған, ҚР Үкіметі бекітетін  мемлекеттік мүлік тізілімін  жүргізу ережесінде көзделген мемлекеттік  мүліктің өзге де түрлерін (санаттарын) айқындайды. 

Даму перспективалары 

Министрлікте  «е-Қаржымині» Біріктірілген автоматтандырылған ақпараттық жүйені» (бұдан әрі - «е-Қаржымині» БААЖ) құру бойынша бюджеттік инвестициялық  жобаның техникалық экономикалық негіздемесін дайындау бойынша іс-шаралар аяқталды. 

Жобаның мақсаты «Электрондық үкіметті» одан әрі кеңейту және дамыту –Министрліктің және оның ведомстволық бағынысты ұйымдарының мемлекеттік функцияларды орындау және мемлекеттік қызметтер көрсету жөніндегі әкімшілік рәсімдерін (бизнес-процестерді) кешенді автоматтандыру үшін тағайындалған оның жаңа құрамдас құрауышы «е-Қаржымині» БААЖ-ын  құру болып табылады. 

«е-Қаржымині» БААЖ жобасының негізгі міндеті қаржыға  қатысты барлық бизнес-процестердің бірігуін, қаржылық есептіліктің шоғырлануын, бюджеттің атқарылуын бақылауды,кірістерді, қолма-қол ақшаны, ішкі және сыртқы борышты, тәуекелдерді, қаржылық аудиттің қамтамасыз етілуін, мемлекеттік активтерді, сондай-ақ басқа да функцияларды басқаруды көздейтін мемлекеттік қаржыны басқару жүйесін автоматтандыру болып табылады.